ఇజ్రాయెల్-హమాస్ యుద్ధం: చిన్నారులను పీడిస్తున్న అనారోగ్య సమస్యలు

గాజా శరణార్థి శిబిరాల్లో ఆహారం, స్వచ్ఛమైన నీరు, మందుల కొరత కారణంగా పిల్లలలో అనారోగ్య సమస్యలు తలెత్తుతున్నాయి. యుద్ధం నుండి బయటపడిన గాజా నివాసితులు ఇప్పుడు ఒక నిశ్శబ్ద, అదృశ్య కిల్లర్ నుండి నిరంతర ముప్పును ఎదుర్కొంటున్నారు. వైద్యులకు అవసరమైన వస్తువుల కొరత కారణంగా వ్యాధి బారిన పడిన పౌరులకు సరైన వైద్యం అందడం లేదు.

ఐదేళ్లలోపు పిల్లలలో అతిసారం కేసులు 66% పెరిగాయి. ప్రపంచ ఆరోగ్య సంస్థ (WHO) నుండి డేటా ప్రకారం ఈ సంఖ్య మరింత ఎక్కువగా ఉండవచ్చని తెలుస్తోంది. దక్షిణ గాజాలోని ఖాన్ యూనిస్‌లోని నాసర్ హాస్పిటల్‌లో పీడియాట్రిక్ డాక్టర్ అహ్మద్ అల్-ఫర్రా వార్తా సంస్థతో మాట్లాడుతూ, తన వార్డులో పిల్లలు తీవ్రమైన డీహైడ్రేషన్‌తో బాధపడుతున్నారని, కొన్ని సందర్భాల్లో మూత్రపిండాల వైఫల్యానికి కారణమవుతున్నారని చెప్పారు.

గాజా స్ట్రిప్‌లోని 36 ఆసుపత్రుల్లో 21 మూసివేయబడ్డాయి, 11 పాక్షికంగా పనిచేస్తున్నాయి. లండన్ స్కూల్ ఆఫ్ హైజీన్‌లో విద్యా పరిశోధకులు గాజాలో పౌరుల ఆరోగ్య పరిస్థితి మరింత క్షీణిస్తుందని హెచ్చరించింది. తల్లులలో పోషకాహార లోపం కారణంగా శిశువులకు ఆరోగ్య సమస్యలు తలెత్తుతాయని పేర్కొంది.

గాజాను పాలిస్తున్న తీవ్రవాద గ్రూప్ హమాస్ ఇజ్రాయెల్ ప్రతీకారం కారణంగా దాదాపు 19,000 మంది మరణించారని, అందులో మహిళలు, పిల్లలు కూడా ఉన్నారని పేర్కొంది. చాలా షెల్టర్‌లలో మరుగుదొడ్లు, స్వచ్ఛమైన నీరు లేవు, ”అని UNRWA కమ్యూనికేషన్స్ డైరెక్టర్ జూలియట్ టౌమా చెప్పారు.

యుఎన్‌ఆర్‌డబ్ల్యుఎలోని 135 మంది సిబ్బంది చనిపోయారని మరియు యుద్ధం కారణంగా 70% మంది సిబ్బంది తమ ఇళ్లను వదిలి పారిపోయారని, దీని కారణంగా ఏజెన్సీ 28 ప్రాథమిక ఆరోగ్య క్లినిక్‌లలో తొమ్మిది మాత్రమే పనిచేస్తున్నాయని, ఉన్నవారు కూడా సరిగ్గా పని చేయడానికి సిద్ధంగా లేరని చెప్పారు.

ఈ దాడుల కారణంగా 300 మందికి పైగా గాజా ఆరోగ్య కార్యకర్తలు, మంత్రిత్వ శాఖ సిబ్బంది మరణించారు. గాజాలోని నీరు మానవ వినియోగానికి పనికిరాదని, అస్వస్థతకు గురైన పిల్లలకు చికిత్స చేయడానికి సరైన మందులు అందుబాటులో లేవని పీడియాట్రిక్ వార్డు అధిపతి అల్-ఫర్రా తెలిపారు.

యుద్ధంలో గాయపడిన వారికి చికిత్స చేసిన సిరియన్ సర్జన్ సలీం మాట్లాడుతూ.. “ముట్టడి … సమాజం పతనానికి దారితీసే మార్గం అని అన్నారు.