ఆగని హిజాబ్ గొడవ .. థియేటర్ ఆర్టిస్టుకు 74 కొరడా దెబ్బలు..
న్‌లో, హిజాబ్ ధరించనందుకు ఇప్పటికీ కఠినమైన శిక్షలు విధించబడుతున్నాయి. అంతకుముందు, ఆగస్టు 2023లో, ఇరాన్‌లో మహిళలు హిజాబ్ ధరించడాన్ని వ్యతిరేకించారు.
ఇరాన్‌లో, హిజాబ్ ధరించనందుకు ఒక మహిళకు 74 కొరడా దెబ్బలు, మరొకరికి 2 సంవత్సరాల జైలు శిక్ష విధించబడింది. ఇరాన్‌లో హిజాబ్ ధరించడం తప్పనిసరి. హిజాబ్‌ను ఉల్లంఘించినందుకు ఇరాన్ కోర్టు ఈ శిక్ష విధించింది. కోర్టు శిక్ష విధించిన ఇద్దరు మహిళల్లో హేష్మతి ఒకరు. ఈమె హిజాబ్ ను ధరించడాన్ని తీవ్రంగా వ్యతిరేకిస్తుంది. మరొకరు స్టేజ్ ఆర్టిస్ట్.
హేష్మతి ఇరాన్‌లో తప్పనిసరి హిజాబ్ చట్టాలను తీవ్రంగా విమర్శిస్తున్నారు. శిక్షను వినేందుకు తన లాయర్‌తో కలిసి కోర్టుకు వచ్చినప్పుడు కూడా ఆమె హిజాబ్ ధరించలేదు. దీంతో కొత్త కేసు పెట్టి కఠినంగా శిక్షిస్తానని ఓ అధికారి ఆమెను బెదిరించారు. అయినా ఆమె తన నిర్ణయాన్ని మార్చుకోలేదు. హిజాబ్ ధరించి తన ముఖాన్ని దాచుకోనని ఖరాఖండిగా చెప్పింది.
హేష్మతి.. థియేటర్ ఆర్టిస్ట్.. సోషల్ మీడియాలో కూడా చాలా యాక్టివ్. గత ఏడాది ఆగస్టులో హిజాబ్ నిషేధంపై ఆమె చాలా గొంతు చించుకుంది. మహిళల హక్కుల కోసం ఆమె డిమాండ్ చేసినందుకు ఇరాన్ మహిళల్లో ఆమె బాగా ప్రాచుర్యం పొందింది.
జైనాబ్‌కు కోర్టు రెండేళ్ల జైలు శిక్ష విధించింది
హిజాబ్ ధరించనందుకు హేష్మతితో పాటు మరో మహిళకు రెండేళ్ల జైలు శిక్ష పడింది. హేష్మతి వలె, జైనాబ్ కూడా తప్పనిసరి హిజాబ్‌కు వ్యతిరేకి. ఆమె హిజాబ్ లేకుండా కనిపించిన చాలా ఫోటోలు సోషల్ మీడియాలో వైరల్ అవుతున్నాయి. హిజాబ్ ధరించనందుకు జైనాబ్‌కు కోర్టు రెండేళ్ల జైలు శిక్ష విధించిందని ఆమె తరఫు న్యాయవాది తెలిపారు.
ఇరాన్‌లో తాలిబాన్‌ల మాదిరిగానే కఠినమైన షియా చట్టం అమలులో ఉంది. దీని కింద కొరడాలతో కొట్టడం, బహిరంగంగా ఉరితీయడం, వేళ్లు నరికివేయడం వంటి శిక్షలు ఉన్నాయి. అయితే, ఈ రకమైన శిక్ష ముస్లిం దేశాలలో మాత్రమే కనిపిస్తుంది. భారతదేశం వంటి అనేక ప్రజాస్వామ్య దేశాలు ఈ రకమైన శిక్షను వ్యతిరేకిస్తున్నాయి. ఇరాన్‌లో హిజాబ్‌పై వివాదం కొత్త కాదు. దీనికి ముందు, ఇరాన్ మహిళలు హిజాబ్ తప్పనిసరిగా ధరించడంపై సుమారు రెండు నెలలుగా దేశవ్యాప్తంగా నిరసనలు చేశారు.