ఎమ్మెల్యే శ్రీదేవి బర్త్‌డే వేడుకలో పాల్గొని వెళ్తున్న వైసీపీ కార్యకర్తలు మృతి

కర్నూలు జిల్లా దేవనకొండ మండలం కరిడికొండ దగ్గర ఘోర రోడ్డు ప్రమాదం జరిగింది. బైక్ ను తప్పించబోయి కారు బోల్తా పడింది. ఈ ఘటనలో ముగ్గురు వైసీపీ కార్యకర్తలు మృతిచెందగా.. మరో ఏడుగురికి గాయాలయ్యాయి. క్షతగాత్రులు ఆస్పత్రిలో చికిత్స పొందుతున్నారు. ఎమ్మెల్యే శ్రీదేవి పుట్టినరోజు వేడుకల్లో పాల్గొని తిరిగి వెళ్తుండగా ఈ ప్రమాదం చోటుచేసుకుంది. మృతుల స్వస్థలం వెల్దుర్తిగా పోలీసులు గుర్తించారు. ఈ ప్రమాదంపై పోలీసులు కేసు నమోదుచేసుకుని దర్యాప్తుచేస్తున్నారు.