శ్యాంబాబుకి బంపరాఫర్.. ఇప్పుడు శోభన్ బాబుగా..

కొన్ని పాత్రలు అంతే.. ప్రేక్షకుల్లో మంచి క్రేజ్ ని తెచ్చిపెడతాయి. పవన్ కళ్యాణ్, సాయి ధరమ్ తేజ్ నటించిన బ్రో సినిమాలో పృథ్విరాజ్ ఒక నిమిషం అయిదు సెకన్లు నిడివి ఉన్న పాత్ర. అయితేనేం ఆ పాత్ర సెన్సేషన్ సృష్టించింది. ఇటు ఇండస్ట్రీతో పాటు, రాజకీయ నాయకులను కూడా మాట్లాడేలా చేసింది. అంతే కాదండోయ్.. ఇప్పుడు మరో సినిమా ఛాన్స్ ని కూడా తెచ్చిపెట్టింది. ఆ సినిమాలో శోభన్ బాబు పేరుతో మరో సంచలనం సృష్టించడానికి పృథ్వి సిద్ధమవుతున్నాడు. ఓ డైరెక్టర్ తనకు ఈ అవకాశం ఇచ్చారని, ఏకంగా రెండు గంటలు తన మీదే ఫోకస్ ఉంటుందని పృథ్వి అభిమానులతో పంచుకున్నారు.

నాకు వచ్చిన ఓ అద్భుతమైన అవకాశం. దర్శకుడు ఎవరు.. ఏ బ్యానర్ అనే వివరాలు త్వరలో తెలియజేస్తా అని .. ఇది నా కెరీర్ ను మలుపు తిప్పే చిత్రం అవుతుంది అని అన్నారు. ఈ శ్యాంబాబును అప్పుడు కూడా ఆశీర్వదిస్తారని మనస్ఫూర్తిగా కోరుకుంటూ మీ పృథ్వీ అంటూ సెల్ఫీ వీడియోను పంచుకున్నారు.