యానిమల్ బ్యూటీ.. ఎవరీ 'త్రిప్తీ డిమ్రీ'..
టాలీవుడ్ దర్శకుడు సందీప్ వంగా డైరెక్షన్ లో వచ్చిన యానిమల్ సంచలనం సృష్టిస్తోంది. విడుదలైన రోజు నుంచి ఆ సినిమా గురించే చర్చ. రణభీర్ కపూర్ నటనతో పాటు హీరోయిన్లుగా నటించిన రష్మికకు, త్రిప్తి డిమ్రీకి తమ నటనకు గాను మంచి పేరు తీసుకువచ్చింది.
'యానిమల్' విడుదలైనప్పటి నుండి ముఖ్యాంశాలలో ఉంది. అద్భుతమైన యాక్షన్ సన్నివేశాలతో నిండిన యానిమల్ ఇదొక మాస్ ఎంటర్‌టైనర్ అని నిరూపించింది. ఈ చిత్రంలో యాక్షన్ సన్నివేశాలతో పాటు రొమాంటిక్ సన్నివేశాలు ప్రేక్షకులను కట్టిపడేశాయి.
సినిమా విడుదలైన తర్వాత అందులోని పలు సన్నివేశాలు చర్చనీయాంశమయ్యాయి. CBFC ఇప్పటికే ఈ చిత్రంలో ఐదు కట్‌లు చేసింది. దీని తర్వాత కూడా సినిమాలో చాలా సన్నివేశాలు సంచలనం సృష్టించాయి. న్యూడ్ సీన్, లిప్ లాక్ సీన్ వరకు ప్రేక్షకులలో ప్రకంపనలు సృష్టించింది.
ఇదిలా ఉంటే ఈ సినిమా విడుదలైనప్పటి నుంచి ఎక్కువగా వినిపిస్తున్న పేరు త్రిప్తి డిమ్రీ. ఇప్పటికే పలు సినిమాల్లో హీరోయిన్ గా నటించి మంచి పేరు తెచ్చుకున్న త్రిప్తీ ఈ సినిమాతో తన స్థాయిని మరింత పెంచుకుంది. చిత్రంలో త్రిప్తిది చాలా ముఖ్యమైన రోల్. రష్మికతో పాటు, ఈ నటి కూడా అందరి దృష్టిని ఆకర్షించింది. సినిమాలో రణబీర్ కపూర్‌తో చాలా ఇంటెన్స్ రొమాంటిక్ సీన్స్ తో నటించింది త్రిప్తి.
సినిమాలోని సన్నివేశాలు సోషల్ మీడియాలో వైరల్ అవుతున్నాయి. ఇది సర్వత్రా చర్చనీయాంశంగా మారింది. అటువంటి పరిస్థితిలో చాలా మంది ఆమె గురించి తెలుసుకోవాలని తహతహలాడుతున్నారు.
సినిమాలో రష్మిక కాకుండా తృప్తి ప్రధాన పాత్రలో ఉండాల్సిందని కొందరు నెటిజన్లు అభిప్రాయపడుతున్నారు. త్రిప్తి 'యానిమల్'లోని కొన్ని సన్నివేశాల ద్వారా ప్రేక్షకులకు మరింత చేరువైనప్పటికీ, ఇంతకు ముందు నటించిన చిత్రాల్లో కూడా ఆమె తన నటనా నైపుణ్యంతో ప్రేక్షకులను ఆకట్టుకుంది.
2017లో విడుదలైన ‘మామ్‌’తో తృప్తి తన కెరీర్‌ను ప్రారంభించింది. శ్రీదేవి నటించిన ఈ సినిమాలో తృప్తి చాలా చిన్న పాత్రలో నటించింది. దీని తర్వాత ఆమె బాబీ డియోల్, సన్నీ డియోల్, శ్రేయాస్ తల్పాడే నటించిన 'పోస్టర్ బాయ్స్'లో కనిపించింది
కానీ, ఇంతియాజ్ అలీ దర్శకత్వం వహించిన 'లైలా-మజ్నున్' నుండి తృప్తికి గుర్తింపు వచ్చింది, ఇందులో ఆమె ప్రధాన పాత్రలో కనిపించింది. అయితే ఆమెకి అత్యంత పాపులారిటీ తెచ్చిపెట్టిన సినిమా 'బుల్బుల్'. 2020లో విడుదలైన బుల్బుల్ కథ త్రిప్తి చుట్టూ తిరుగుతుంది.
తాజాగా త్రిప్తి 'కాలా'లో కనిపించింది. ఈ చిత్రంలో, ఆమె గాయకురాలు పాత్రను పోషించింది. ఇందులో, దివంగత నటుడు ఇర్ఫాన్ ఖాన్ కుమారుడు బాబిల్ ఖాన్ కూడా కనిపించాడు. కానీ, ఇప్పటి వరకు మెయిన్ స్ట్రీమ్ సినిమాల ప్రేక్షకుల్లో త్రిప్తి ముద్ర వేయలేకపోయింది. అయితే యానిమల్ రిలీజ్ తర్వాత ఆమె పేరు సర్వత్రా మార్మోగిపోతోంది.
ఉత్తరాఖండ్‌లోని ఒక చిన్న పట్టణంలో జన్మించిన త్రిప్తికి చిన్నప్పటి నుంచి నటనపై మక్కువ ఎక్కువ. విద్యాభ్యాసం పూర్తయిన తర్వాత, నటి కావాలనే తన కలలను సాకారం చేసుకునేందుకు ముంబై ట్రైన్ ఎక్కింది. ఆమె 2018 సంవత్సరంలో "లైలా మజ్ను" చిత్రంతో తన కెరీర్‌ను ప్రారంభించింది. అప్పటి నుండి అనేక విజయవంతమైన చిత్రాలలో భాగమైంది.
