చిరుకి జోడీ దొరికిందోచ్.. మెగా157 లో అనుష్క..

సీనియర్ హీరోలకు హీరోయిన్ దొరకడం చాలా కష్టమైపోతోంది. ప్రతి స్టార్ హీరో వారితో జోడీ కట్టేందుకు తగిన, బెస్ట్ స్టార్ హీరోయిన్లను వెతుక్కోవడం కత్తిమీద సాములా మారింది. ప్రస్తుతం భగవంత్ కేసరిలో బాలయ్యతో కాజల్ అగర్వాల్, సైంధవ చిత్రంలో వెంకటేష్ సరసన రుహాని శర్మ నటిస్తున్నారు. ఇప్పుడు మెగాస్టార్ చిరంజీవి గురించిన ఓ తాజా రిపోర్ట్ వచ్చింది.

బింబిసార ఫేమ్ వశిష్ట దర్శకత్వం వహిస్తున్న #మెగా157లో హీరోయిన్ కోసం వేట ఎట్టకేలకు ముగిసినట్లు తెలుస్తోంది. త్రిష, సోనాక్షి సిన్హా ఇలా చాలా మంది హీరోయిన్ల పేర్లు వినిపించాయి, అయితే, ఈ చిత్రాన్ని రోల్ చేస్తున్న నిర్మాణ సంస్థ యువి క్రియేషన్స్ వారి అభిమాన నటి అనుష్క శెట్టిని తీసుకోవాలని అనుకుంటున్నారు. గతంలో అనుష్క “స్టాలిన్” సినిమా కోసం చిరుతో ఐటెం సాంగ్ చేసింది, కానీ అతనితో ఎప్పుడూ హీరోయిన్ గా జతకట్టలేదు. కాబట్టి ఇది ఓకే అయితే ఖచ్చితంగా ఈ కాంబో ప్రేక్షకులకు నచ్చుతుందని భావిస్తున్నారు.

అయితే సినిమాలో ఒక హీరోయిన్ మాత్రమే కాకుండా 2-3 మంది హీరోయిన్లు ఉంటారని తెలుస్తోంది. మరి ఈ ఫాంటసీ యాక్షన్ థ్రిల్లర్ కోసం చిరంజీవితో జతకట్టడానికి బాహుబలి దేవసేనతో పాటు ఇంకా ఎవరు ఉంటారో చూడాలి.