Nayanathara: ఫ్యామిలీ సెంటిమెంట్.. నటనకు నయన్ స్వస్తి !!
Nayanathara: హరి దర్శకత్వం వహించిన 'అయ్యా'తో తమిళంలోకి అడుగుపెట్టిన నయనతార తక్కువ సమయంలోనే తమిళ చిత్రసీమలో అత్యంత డిమాండ్ ఉన్న నటిగా మారింది. ఆమె రజనీకాంత్, విజయ్, అజిత్ కుమార్, సూర్య, విక్రమ్, శివకార్తికేయన్, విజయ్ సేతుపతి, శింబు, ధనుష్‌లతో సహా పలువురు అగ్ర హీరోలతో కలిసి నటించింది.
ఆమె ఏకకాలంలో తెలుగు చిత్రసీమలో కూడా నంబర్ వన్ నటిగా పేరు తెచ్చుకుంది. 38 ఏళ్ల బ్యూటీ ఇటీవలి కాలంలో మహిళా సెంట్రిక్ చిత్రాలలో నటించి మంచి పేరు తెచ్చుకుంది.
సంవత్సరం జూన్‌లో నయన్ తన చిరకాల ప్రేమికుడు దర్శకుడు విఘ్నేష్ శివన్‌ను వివాహం చేసుకుంది. ఈ జంట హనీమూన్‌ను ఆస్వాదించడానికి ఖాళీగా ఉన్నప్పుడల్లా విదేశాలు చుట్టేస్తున్నారు. ఈ క్రమంలో నయనతార నటనకు స్వస్తి చెప్పాలని నిర్ణయించుకుందని, ఆమె షూటింగ్ చేస్తున్న సినిమాలు మినహా కొత్త చిత్రాలకు సంతకం చేయడం మానేసిందని ఒక వార్త సోషల్ మీడియాలో చక్కర్లు కొడుతోంది.
వివాహానికి సంబంధించి వ్యక్తిగత ఆభరణాలు తాళిబొట్టు, మెట్టెలు తొలగించవద్దని ఆమె కుటుంబం నయన్‌ను అభ్యర్థించింది. అయితే ఇవి ఉంచుకుని అన్ని సినిమాల్లో నటించడం కుదరదు కాబట్టి ఆమె ఈ నిర్ణయం తీసుకున్నట్లు సమాచారం. ఈ జంట యొక్క ప్రొడక్షన్ హౌస్ 'రౌడీ పిక్చర్స్‌'కు నయనతార సారథ్యం వహిస్తుందని భవిష్యత్తులో మరిన్ని చిత్రాలను నిర్మిస్తుందని తెలుస్తోంది.
అయితే దీనికి సంబంధించి అధికారిక ప్రకటన వెలువడలేదు. విఘ్నేశ్, నయన్ గురించి తెలిసిన దగ్గరి వారు ఈ పుకారును కొట్టిపారేసే అవకాశం ఉంది. త్వరలో నయన్ సినిమాల్లో కొనసాగే అవకాశం గురించి ఓపెన్ అవుతుందని అభిమానులు ఆశిస్తున్నారు. నయనతార సినిమాల్లో నటించాలని అప్పుడే నటనకు ఫుల్‌స్టాప్ పెట్టకూడదని బలంగా కోరుకుంటున్నారు. అంతగా వాళ్లు నయన్‌ని అభిమానిస్తున్నారు.
ఒక స్టార్ హీరోకి ఉన్నంత ఫాలోయింగ్, ఇమేజ్ నయన్ సొంతం. మలయాళంలో అల్ఫోన్స్ పుతేరన్ దర్శకత్వంలో పృథ్వీరాజ్ సుకుమారన్ నటించిన 'గోల్డ్' చిత్రంలో నటించినందుకు గాను నయన్ అత్యధిక పారితోషికం పొందిన దక్షిణ భారత నటిగా పేరు తెచ్చుకుంది. ప్రస్తుతం ఆమె అట్లీ దర్శకత్వంలో SRK 'జవాన్', చిరంజీవి 'గాడ్ ఫాదర్', అశ్విన్ శరవణన్ 'కనెక్ట్' మరియు జయం రవి 'ఇరైవన్' చిత్రాలలో నటిస్తోంది.
