నల్గొండలో రోడ్డు ప్రమాదం.. ఇద్దరు మృతి

నల్గొండ జిల్లా చింతపల్లి క్రాస్ రోడ్డు వద్ద నార్కెట్ పల్లి- అద్దంకి హైవేపై ఘోర ప్రమాదం జరిగింది. ఆగిఉన్న లారీని ఓ ప్రైవేటు ట్రావెల్స్‌ బస్సు ఢీకొట్టింది. ఈ ప్రమాదంలో ఇద్దరు దుర్మరణం పాలయ్యారు. మరో పది మందికి తీవ్ర గాయాలయ్యాయి. బస్సులో చిక్కుకున్న ప్రయాణికులను బయటకు తీసేందుకు తీవ్రంగా శ్రమించాల్సి వచ్చింది. గాయపడినవారిని మిర్యాలగూడ ఏరియా ఆస్పత్రికి తరలించారు. ప్రైవేట్‌ ట్రావెల్స్‌ బస్సు ఒంగోలు నుంచి హైదరాబాద్ వస్తుండగా ఈ ప్రమాదం జరిగింది. బస్సు డ్రైవర్ నిర్లక్ష్యం వల్లే ప్రమాదం జరిగినట్లు పోలీసులు భావిస్తున్నారు. దీనిపైన కేసు నమోదు చేసుకున్న పోలీసులు దర్యాప్తు చేపట్టినట్లు పేర్కొన్నారు. మృతి చెందినవారిని నాగేశ్వరరావు(44), జయరావు(42), మల్లికార్జున్(40)గా పోలీసులు గుర్తించారు.