లారీని తప్పించబోయి అదుపు తప్పిన ఆర్టీసీ బస్సు..ఏడుగురికి గాయాలు

వరంగల్ జిల్లా నెల్లుట్ల బైపాస్ వద్ద రోడ్డుప్రమాదం జరిగింది. లారీని తప్పించబోయి ఆర్టీసీ బస్సు అదుపుతప్పింది. పక్కన పొలాల్లోకి దూసుకెళ్లింది. ఈ ప్రమాదంలో ఏడుగురు ప్రయాణికులకు గాయాలు కాగా.. జనగామ ఏరియా ఆస్పత్రికి తరలించారు. హైదరాబాద్‌ నుండి వరంగల్ వెళ్తుండగా ఈ ఘటన జరిగింది. ప్రమాద సమయంలో బస్సులో 17 మంది ప్రయాణికులు ఉన్నారు. అటు గాయపడిన వారిని జనగామ డిపో మేనేజర్ జ్యోత్స్న పరామర్శించారు.