సోప్ Vs బాడీ వాష్: చర్మానికి ఏది మంచిది?

ఇంతకు ముందు ఇంటిల్లపాదీ ఒకటే సబ్బు వాడితే ఇప్పుడు ఎవరి సబ్బు వారే వాడుతున్నారు. ఒకందుకు ఇదే మంచిది. ఎవరి శరీరతత్వం వారిది. దానికి అనుగుణంగా సబ్బును కొనుగోలు చేస్తుంటారు.సబ్బు స్థానాన్ని బాడీ వాష్ లు ఆక్రమించాయి. చర్మాన్ని పొడిబారకుండా చేస్తాయని బాడీవాష్ ఉపయోగించమంటున్నారు బ్యూటీషియన్లు. ఇంతకీ మీ చర్మానికి ఏది సరిపోతుంది అనేది తెలుసుకుందాం. సబ్బు మంచిదా, బాడీ వాష్ మంచిదా అనేది కూడా తెలుసుకోవడం అవసరం.

చర్మాన్ని శుభ్రపరచడానికి సబ్బు లేదా బాడీ వాష్‌ని ఉపయోగించడం వల్ల కలిగే ప్రయోజనాలు, ఏది ఉత్తమ ఎంపిక అనే విషయాలను గురించి తెలుసుకుందాం.

చర్మం శరీరం యొక్క అతిపెద్ద అవయవం. దానిని శుభ్రంగా, ఆరోగ్యంగా ఉంచడం చాలా అవసరం. సబ్బు, బాడీ వాష్ మధ్య తేడాలను పరిశీలిద్దాం.

సబ్బును ఉపయోగించడం వల్ల కలిగే లాభాలు, నష్టాలు

సబ్బు చర్మం ఉపరితలంపై ఉన్న మురికిని తొలగించి అంటువ్యాధులు కలిగించే బ్యాక్టీరియాను నిర్మూలిస్తుంది. ఇది మళ్లీ మళ్లీ వాడుకోవచ్చు. దీనిలో పర్యావరణానికి హాని కలిగించని మైక్రోబీడ్‌లు ఇందులో ఉంటాయి. పైగా సబ్బు సాధారణంగా తక్కువ ఖరీదులోనే దొరుకుతుంది. బాడీ వాష్ కంటే మరింత సౌకర్యవంతంగా ఉంటుంది.

అయినప్పటికీ, దీనిలో pH స్థాయిలు ఎక్కువ ఉన్నందున, చర్మం పొడిబారినట్లై చికాకు కలిగిస్తుంది. ఇది చర్మం యొక్క సహజ అవరోధాన్ని దెబ్బతీస్తుంది. తేమను కోల్పోయేలా చేస్తుంది. సరిగ్గా నిల్వ చేయకపోతే, సబ్బుపై బ్యాక్టీరియా, జెర్మ్స్‌ చేరే అవకాశం ఉంటుంది. ఇది రంధ్రాలను మూసుకుపోయేలా చేస్తుంది.

బాడీ వాష్ ఉపయోగించడం వల్ల కలిగే లాభాలు, నష్టాలు

బాడీ వాష్‌లో సబ్బు వలె క్లెన్సింగ్ మెకానిజం ఉంటుంది. అయితే ఇది చర్మాన్ని హైడ్రేట్ చేయగల పదార్థాలు ఇందులో ఉంటాయి. సబ్బు కంటే ఇది సాధారణంగా సున్నితమైన చర్మానికి అనుకూలంగా ఉంటుంది. ఎందుకంటే ఇది తక్కువ pH స్థాయిని కలిగి ఉంటుంది, ఇది చర్మం యొక్క సహజ సమతుల్యతను కాపాడుకోవడంలో సహాయపడుతుంది. పొడిబారడం, మొటిమలు వంటి చర్మ సమస్యలను పరిష్కరించడానికి కూడా బాడీ వాష్‌ను ఉపయోగించవచ్చు.

బాడీ వాష్ సబ్బు కంటే ఖరీదైనది, తక్కువ పర్యావరణ అనుకూలమైనది. ఇది చర్మానికి చికాకు కలిగించే అలెర్జీలకు కారణమయ్యే రసాయనాలు కలిగి ఉండవచ్చు.

1) మీకు పొడి లేదా సున్నితమైన చర్మం ఉన్నట్లయితే తేమ, సువాసన లేని మరియు హైపోఅలెర్జెనిక్ బాడీ వాష్‌ను ఎంచుకోండి.

2) మీ చర్మం జిడ్డు లేదా మొటిమలు వచ్చే అవకాశం ఉన్నట్లయితే, రంధ్రాలను అన్‌లాగ్ చేయడానికి మరియు మంటను తగ్గించడానికి సాలిసిలిక్ యాసిడ్ లేదా బెంజాయిల్ పెరాక్సైడ్‌ను కలిగి ఉండే నాన్-కామెడోజెనిక్, ఆయిల్ ఫ్రీ సబ్బును ఎంచుకోండి. సల్ఫేట్‌లను కలిగి ఉండే బాడీ వాష్‌కు దూరంగా ఉండాలి. ఎందుకంటే ఇది మొటిమలను తీవ్రతరం చేస్తుంది.

3) మీ చర్మం మరీ ఆయిలీగా కాకుండా, మరీ పొడిబారినట్లు లేకుండా ఉంటే మీరు సబ్బు లేదా బాడీ వాష్‌ని ఉపయోగించవచ్చు. సబ్బు ఎంచుకునేటప్పుడు తేలికపాటి, pH- సమతుల్య ఉత్పత్తిని ఉపయోగించండి.

4) మీరు ఏ ఉత్పత్తిని ఉపయోగించినా, దానిని సరిగ్గా నిల్వ చేయండి. రోజూ దాన్ని శుభ్రంగా ఉంచుకోండి. మీ సబ్బును లేదా బాడీ వాష్‌ను ఇతరులతో పంచుకోవద్దు. దేన్నీ కూడా అతిగా ఉపయోగించవద్దు. చర్మంపైన గట్టిగా స్క్రబ్ చేయవద్దు. ఎందుకంటే ఇది చర్మ రంద్రాలను దెబ్బతీస్తుంది. తద్వారా ఇన్‌ఫెక్షన్లకు కారణమవుతుంది.