కరోనా పాజిటివిటీ రేటు తగ్గుతోంది: కేంద్రం

దేశంలో కరోనా పాజిటివిటీ రేటు తగ్గుతోందని కేంద్ర ప్రభుత్వం వెల్లడించింది. వైర‌స్ నియంత్రణ కోసం ప్రభుత్వం తీసుకుంటున్న చ‌ర్యలు స‌త్ఫలితాలు ఇస్తున్నాయని కేంద్ర ఆరోగ్యశాఖ కార్యద‌ర్శి ల‌వ్ అగ‌ర్వాల్ తెలిపారు. ఈ వారంలో పాజిటివిటీ రేటు 21.9% నుంచి 19.8శాతానికి తగ్గిందని.. తమిళనాడు మినహా అన్ని రాష్ట్రాల్లో కేసులు తగ్గుతున్నాయన్నారు. దేశంలో నమోదవుతున్న కేసుల్లో 85% 10 రాష్ట్రాల్లోనే ఉన్నాయని.. 11 రాష్ట్రాల్లో లక్షకు పైగా యాక్టివ్ కేసులు, 8 రాష్ట్రాల్లో 50 వేల నుంచి లక్ష యాక్టివ్ కేసులు, 17 రాష్ట్రాల్లో 50వేలలోపు కేసులు ఉన్నాయన్నారు. అటు కేంద్ర ఆరోగ్య మంత్రిత్వ శాఖ ప్రకారం గడిచిన 24 గంటల్లో 3,26,098 కొత్త కోవిడ్ -19 కేసులు నమోదు కాగా, 3,53,299 దిశ్కార్జ్ కాగా, 3,890 మరణాలు నమోదయ్యాయి.