హిందూ దేవాలయంలో పూజారిగా.. లెబనాన్‌కు చెందిన క్రైస్తవ మహిళ
కోయంబత్తూరులోని ఈశా యోగా కేంద్రంలోని మా లింగ భైరవి ఆలయంలో భైరాగిణి మా హనీనే పూజారి. ఒక యువతి తన అధిక జీతం వచ్చే ఉద్యోగాన్ని, ఇంటిని వదిలి వేరే సంస్కృతిని స్వీకరించింది. తన జీవితమంతా ఆధ్యాత్మికతకు అంకితం చేసింది. ఎవరీ భైరాగిణి మా హనీనే.. ఆమె గురించి తెలుసుకుందాం.
ఎరుపు రంగు చీరను ధరించి, ఆలయానికి వచ్చే భక్తులను చిరునవ్వుతో పలకరిస్తూ, అత్యంత భక్తితో అమ్మవారిని ఆరాధిస్తుంది మా హనీనే. ఆమె వేషధారణ భారతీతయతను ప్రతిబింభిస్తే, ఆమె ముఖం మాత్రం విదేశీ మహిళ అని గుర్తు చేస్తుంది. ఆమె ఒక విదేశీ మహిళ, పైగా క్రిస్టియన్. తమిళనాడులోని ఈ ప్రత్యేకమైన ఆలయంలో దేవతకు సేవ చేసే పూజారిగా ఎలా మారారు.
భైరాగిణి మా హానీనే లెబనాన్‌లో ఓ క్రియేటివ్ ఆర్ట్ డైరెక్టర్. అక్కడి నుండి భారతదేశంలోని ఒక దేవాలయంలో పూజారిగా మారేంత వరకు తన ప్రయాణాన్ని పంచుకున్నారు. ఆధ్యాత్మికత మార్గంలో నడవడానికి, అంతర్గత పరిపూర్ణతను వెతకడానికి ఆమె తన విలాసవంతమైన జీవితాన్ని విడిచిపెట్టాలని నిర్ణయించుకున్నప్పుడు ఆమె వయస్సు కేవలం 25 ఏళ్లు.
" నేను లెబనాన్ నుండి వచ్చాను. గ్రాఫిక్ డిజైనింగ్ కోర్సు చేశాను. ఒక అడ్వర్టైజింగ్ ఏజెన్సీలో క్రియేటివ్ ఆర్ట్ డైరెక్టర్‌ని. 2009లో పూర్తి సమయం వాలంటీర్‌గా పని చేయడానికి ఇక్కడికి వచ్చాను. ఇక్కడకు వచ్చి 14 సంవత్సరాలు అయినప్పటికీ నిన్నే వచ్చినట్లు అనిపిస్తుంది" అని తనను తాను పరిచయం చేసుకుంది.
"నేను ఎక్కడి నుండి వచ్చాను, ఆధ్యాత్మికత, యోగా వంటివి ఏవీ నాకు తెలియదు. దురదృష్టవశాత్తూ నా సన్నిహిత మిత్రుని మరణం నన్ను చాలా తీవ్రంగా దెబ్బతీసింది. అప్పుడే నా మదిలో ప్రశ్నలు మొదలయ్యాయి. వాటికి సమాధానాలు వెతకడం ప్రారంభించాను. నా శోధనలో, నేను సద్గురు గురించి తెలుసుకున్నాను. నేను 2005లో 'ఇన్నర్ ఇంజనీరింగ్' చేసాను. ' ( ఈశా యోగా సెంటర్ అందించే కార్యక్రమం ). తరువాత నా దేశానికి తిరిగి వెళ్లి, ఉద్యోగానికి రాజీనామా చేసి, బ్యాగ్‌ సర్దుకుని ఇక్కడికి వచ్చాను. ప్రతి అంశంలో స్వచ్ఛందంగా సేవ చేయడం ప్రారంభించాను. ఇది నాకు ఇంతకు ముందెన్నడూ లేని సంతృప్తినిచ్చింది. కొన్ని సంవత్సరాల క్రితం సద్గురు నన్ను భైరాగిణి మాలో ప్రవేశపెట్టారు" అని చెప్పారు మా హనీనే.
భైరాగిణి మా ఎవరు?
భైరాగిణి మా అనేది లింగ భైరవి దేవి ఆలయంలోని పూజారులకు సంబంధించిన పదం. "భైరాగిణి" అనే పదానికి దేవి రంగు అని అర్థం ఆమె సకల గుణాల ప్రతిబింబం అని భైరాగిణి మా హనీనే వివరిస్తుంది.
" అందుకే మేము ఎరుపు రంగును ధరిస్తాము ," ఆమె చిరునవ్వుతో చెప్పింది. భైరాగిణి మాలు లింగ భైరవి నివాసానికి సంరక్షకులు. వారు ప్రార్థనలు చేయడం నుండి హారతి వరకు అన్ని ఆచారాలను నిర్వహిస్తారు. పరాయి దేశం నుండి వచ్చిన ఒక మహిళ ఇంత భక్తితో ఈ కర్మలన్నీ చేయడం చాలా మంది భక్తులకు ఆశ్చర్యం కలిగిస్తుంది.
నేను క్రైస్తవురాలిని. క్రైస్తవంలో మాకు ఈ ఆచారాలు, సంప్రదాయాలు లేవు. కానీ హిందూ సంస్కృతిలోని ఈ విషయాలన్నీ ఏమిటో నేను ఎప్పటికీ అర్థం చేసుకోలేను. ఇది అనుభవపూర్వకంగా మాత్రమే తెలుసుకోగలుగుతాము. దానిని నేను అనుభవించినందున నేను నా జీవితాన్ని దీనికి అర్పించడానికి సిద్ధంగా ఉన్నానని బహిరంగంగా చెప్పగలను, "ఆమె చెప్పింది.
భక్తులు ఎలా స్పందిస్తారు?
భైరాగిని మ హానీనే చూసిన ప్పుడు ఆమె ప్రయాణం గురించి తెలుసుకోవాల నే కుతూహలం ప్రతి భక్తునికీ కలుగుతుంది. " ప్రజలు గుడికి వచ్చినప్పుడు, వారు నన్ను చూసినప్పుడు, ఖచ్చితంగా నేను వారి కళ్లలో ఆ ఉత్సుకతను చూస్తాను. కాని మేము ప్రార్థనలు చేయడం ప్రారంభించినప్పుడు, పూజ ప్రారంభించినప్పుడు, వారందరూ మాకు నమస్కరిస్తారు.
'ఇప్పటికీ నేను క్రిస్టియన్‌నే'
" మతం మారలేదు. నన్ను ఎవరూ మతం మార్చుకోమని అడగలేదు " అని ఆమె చెప్పింది. తన కుటుంబం గురించి మాట్లాడుతూ వారు తనకు పెద్ద మద్దతుగా నిలిచారని, తాను వారిని విడిచిపెట్టలేదని చెప్పింది.
" నా కుటుంబం ఇచ్చిన సపోర్ట్ కారణంగానే నేను ఇక్కడ ఉన్నాను. మొదట్లో, నేను ఎందుకు ఇలా చేస్తున్నానో అర్థం చేసుకోవడం వారికి కష్టంగా అనిపించేది. కానీ వారు నాలో, నా ప్రవర్తనలో వచ్చిన మార్పులను చూసినప్పుడు ఆశ్చర్యపోయారు. ప్రతిదానికీ ప్రతిస్పందించే, కోపంగా చిరాకుపడే అమ్మాయిని, ఇప్పుడు ఇలా చాలా ప్రశాంతంగా, ఓపికగా ఉండే వ్యక్తిగా , వారు నాలో విపరీతమైన మార్పును చూశారు. ఇప్పుడు, వారు నా జీవితం గురించి మా బంధువులకు చెబుతారు. నేను ఏమి చేస్తున్నానో తెలుసుకుని గర్వపడుతున్నారు. " అని వివరించారు మా హనీనే.
భైరాగిణి మా హనీనే తమిళనాడులోని కోయంబత్తూరులోని ఈశా యోగా కేంద్రంలో వెల్లియంగిరి పర్వతాల దిగువన ఉన్న మా లింగ భైరవి ఆలయంలో పూజారి. ఈ ఆలయాన్ని వేరుగా ఉంచేది దాని విలక్షణమైన సంప్రదాయం: "భైరాగిణి మా" అని పిలువబడే మహిళా పూజారులు మాత్రమే లోపలి గర్భగుడిలోకి ప్రవేశించి, దేవతను ఆరాధించడానికి అనుమతించబడతారు. లింగ భైరవిని ప్రాణ ప్రతిష్ఠ ద్వారా సద్గురు ప్రతిష్టించారు. ఇది కేవలం రాయిని దేవతగా మార్చడానికి జీవిత శక్తులను ఉపయోగించే అరుదైన ఆధ్యాత్మిక ప్రక్రియ.
