G20 సక్సెస్.. పోలీసులతో ప్రధాని డిన్నర్ ప్లాన్
ఢిల్లీ పోలీస్ కమిషనర్ సంజయ్ అరోరా ప్రతి జిల్లా నుండి కానిస్టేబుల్స్, ఇన్‌స్పెక్టర్స్ వరకు - గత వారాంతంలో శిఖరాగ్ర సమావేశంలో తమ డ్యూటీని అద్భుతంగా చేసిన సిబ్బంది జాబితాను కోరినట్లు సమాచారం. G20 సమ్మిట్‌ను విజయవంతం చేయడంలో భాగమైన ప్రతి ఒక్కరి సహకారాన్ని గుర్తించే ప్రయత్నంలో, ప్రధాని నరేంద్ర మోడీ ఈ వారం ఢిల్లీ పోలీసు సిబ్బందితో విందు చేయడానికి ప్లాన్ చేస్తున్నారు.
ఈ జాబితాలో 450 మంది సిబ్బంది ఉంటారని భావిస్తున్నారు. వీరంతా ఢిల్లీ పోలీస్ కమిషనర్ అరోరాతో పాటు, G20 సమ్మిట్ వేదికగా ఉన్న భారత్ మండపంలో ప్రధానితో కలిసి విందు చేసే అవకాశం ఉంది. ఒక పెద్ద విజయంలో పాల్గొన్న వ్యక్తుల ప్రయత్నాలను ప్రధాని మోదీ గుర్తించడం ఇది మొదటిసారి కాదు. మేలో, కొత్త పార్లమెంట్ భవనం ప్రారంభోత్సవానికి ముందు, దాని నిర్మాణంలో పాల్గొన్న కార్మికులను ఆయన సత్కరించారు.
ఈ వారం ప్రారంభంలో, సంజయ్ అరోరా G20 సమ్మిట్‌కు చేసిన కృషికి కొంతమంది ఢిల్లీ పోలీసు సిబ్బందికి పోలీసు కమిషనర్ ప్రత్యేక ప్రశంస సర్టిఫికేట్‌ను కూడా ప్రధానం చేశారు. అత్యున్నత స్థాయి వ్యక్తుల భద్రత, గోప్యతను నిర్ధారించడానికి, స్పెషల్ ప్రొటెక్షన్ గ్రూప్ మరియు ఢిల్లీ పోలీసు సిబ్బంది నాయకులు, వారి ప్రతినిధి బృందాలు బస చేసిన హోటళ్లకు కూడా కోడ్ పదాలను ఉపయోగించారు.
యుఎస్ ప్రెసిడెంట్ జో బిడెన్ బస చేసిన ఐటిసి మౌర్య షెరటన్‌కు 'పండోరా' అనే కోడ్, షాంగ్రి-లా పేరును 'సమారా' అనే కోడ్ ను ఉపయోగించారు. అందులో UK ప్రధాన మంత్రి రిషి సునక్, అతని భార్య అక్షతా మూర్తి బస చేశారు. నేతలు వెళ్లే ప్రదేశాలకు కూడా కోడ్ వర్డ్స్ వాడారు. రాజ్‌ఘాట్‌ను 'రుద్‌పూర్' అని, శిఖరాగ్ర సమావేశం జరిగిన ప్రగతి మైదాన్‌ను 'నికేతన్' అని పిలిచారు.
