ఉద్యోగుల పని వేళల్లో మార్పులు.. రోజుకు 12 గంటలు.. వారానికి 4 రోజులు

రోజుకు ఎనిమిది గంటలు పని చేస్తే ఎలా సరిపోతుంది. అనుకున్న టార్గెట్ రీచ్ అవలేకపోతున్నాం.. పనివేళల్లో మార్పు తీసుకురావాలంటూ ప్రైవేటు యాజమాన్యాలు రాష్ట్రప్రభుత్వానికి మొరపెట్టుకున్నాయి. దీంతో ప్రైవేట్ కంపెనీల్లో ఉద్యోగులు 12 గంటల పాటు పని చేసేందుకు తమిళనాడు ప్రభుత్వం అనుమతి మంజూరు చేసింది. ప్రైవేట్ కంపెనీల్లో 12 గంటల పనివేళలకు సంబంధించిన బిల్లుపై ఇవాళ అసెంబ్లీలో చర్చ జరిగింది. తమిళనాడులోనే కాకుండా దేశం మొత్తం మీద ప్రస్తుతం పని గంటలు 8 గంటలు. అంటే ఏ పనికైనా 8 గంటలు పని చేయాలనే నిబంధన ఉంది. ఈ సందర్భంలో పని గంటలు పెంచాలి. అప్పుడే ఉత్పత్తిని పెంచగలమని ప్రైవేటు సంస్థలు అనేక డిమాండ్లు చేస్తున్నాయి.

ఇటీవల కూడా కేంద్ర ప్రభుత్వం కార్మికుల పనిదినాలను 4 రోజులకు తగ్గించాలని, అయితే పనిగంటలను 12 గంటలకు మించి పెంచాలని రాష్ట్ర ప్రభుత్వాలను కోరింది. ఈ మార్పులను సులభతరం చేయడానికి, పని చట్టం, వేతనాల చట్టం, కార్యాలయ సంబంధాలు, పని భద్రత చట్టం, ఆరోగ్యకరమైన పని పర్యావరణ చట్టం అనే 4 నియమాలలో మార్పులు చేయాలని కేంద్ర ప్రభుత్వం రాష్ట్ర ప్రభుత్వాలను అభ్యర్థించింది. ఇప్పటికే 13 రాష్ట్రాలు ఇందుకు అంగీకరించాయని, మరికొన్ని రాష్ట్రాలు ఆమోదించే ప్రక్రియలో ఉన్నాయని కేంద్ర ప్రభుత్వ వర్గాలు తెలిపాయి. దీని ప్రకారం, వివిధ రాష్ట్ర ప్రభుత్వాలు ఈ కొత్త మార్పులను ఆమోదించినందున ఈ 4 రోజుల పని నియమం రాబోయే సంవత్సరంలో అమల్లోకి రావచ్చని చెబుతున్నారు.

కానీ ఇతర రాష్ట్రాలు ఒప్పుకోకపోవడంతో ప్రాజెక్టు అటకెక్కింది. ఈ క్రమంలోనే తమిళనాడు అసెంబ్లీలో కొత్త బిల్లు ప్రవేశపెట్టారు. ఉదయం 7 గంటలకు ఆఫీసుకు వెళితే సాయంత్రం 7 గంటలకు తిరిగి వచ్చేలా ఈ బిల్లు తీసుకొచ్చారు. కొన్ని ఐటీ కంపెనీలు చేసిన డిమాండ్ మేరకు.. ఉత్పత్తిని పెంచేందుకు, పెట్టుబడులు పెంచేందుకు ఈ విధానాన్ని తీసుకురావాలని బిల్లు పెట్టారు.