జీతాల్లేవ్.. ఇడ్లీలు విక్రయిస్తున్న చంద్రయాన్-3 టెక్నీషియన్..

చంద్రయాన్-3 లాంచ్‌ప్యాడ్‌ను నిర్మించడంలో సహాయం చేసిన టెక్నీషియన్ ఇప్పుడు ఇడ్లీలు విక్రయిస్తున్నారు. గత 18 నెలలుగా తమకు జీతాలు అందలేదని HECలోని దాదాపు 2,800 మంది ఉద్యోగులు పేర్కొన్నారు. ISRO యొక్క చంద్రయాన్-3 లాంచ్‌ప్యాడ్ నిర్మాణానికి పనిచేసిన HEC (హెవీ ఇంజినీరింగ్ కార్పొరేషన్ లిమిటెడ్)లో సాంకేతిక నిపుణుడైన దీపక్ కుమార్ ఉప్రారియా రాంచీలోని రోడ్డు పక్కన ఉన్న దుకాణంలో ఇడ్లీలు విక్రయిస్తున్నాడు.

ఉప్రారియాకు రాంచీలోని ధుర్వా ప్రాంతంలో దుకాణం ఉంది. చంద్రయాన్-3 కోసం ఫోల్డింగ్ ప్లాట్‌ఫారమ్ మరియు స్లైడింగ్ డోర్‌ను తయారు చేసిన HEC - గవర్నమెంట్ ఆఫ్ ఇండియా కంపెనీ (CPSU) - 18 నెలలుగా తన జీతం చెల్లించకపోవడంతో అతను తన రోడ్‌సైడ్ స్టాల్‌ను తెరిచి ఇడ్లీలు విక్రయిస్తున్నాడు.

చంద్రయాన్-3 ఆగస్టులో చంద్రుని దక్షిణ ధ్రువం ఉపరితలంపై సాఫ్ట్ ల్యాండింగ్ చేసింది. దీనితో, ఈ ఘనత సాధించిన మొదటి దేశంగా భారతదేశం అవతరించింది. ఆ సమయంలో, ప్రధాని నరేంద్ర మోడీ ఇస్రో శాస్త్రవేత్తలను అభినందించారు. దుకాణం చూసుకుంటూనే, ఆఫీసు పనులు నిర్వహించేవాడు. ఉదయం ఇడ్లీలు అమ్మి మధ్యాహ్నం ఆఫీసుకు వెళ్లేవాడు. సాయంత్రం, అతను ఇంటికి తిరిగి వెళ్ళే ముందు మళ్ళీ ఇడ్లీలు అమ్ముతాడు.

తన ప్రస్తుత పరిస్థితిని వివరిస్తూ.. ఉప్రారియా, "మొదట నేను క్రెడిట్ కార్డ్‌తో నా ఇంటిని నడిపాను. నాకు ₹ 2 లక్షల రుణం వచ్చింది. అది సమయానికి చెల్లించకపోవడంతో డిఫాల్టర్‌గా ప్రకటించబడ్డాను. ఆ తర్వాత, బంధువుల నుండి డబ్బు తీసుకొని ఇంటిని నడపడం ప్రారంభించాను."

"ఇప్పటి వరకు నాలుగు లక్షల రూపాయలు అప్పు చేశాను.. ఆ డబ్బు ఎవరికీ తిరిగి ఇవ్వకపోవడంతో ఇప్పుడు అప్పు ఇవ్వడం మానేశారు. తర్వాత నా భార్య నగలు తాకట్టు పెట్టి కొన్ని రోజులు ఇంటిని నడిపించాను" అన్నారాయన.

అప్పులు చేసుకుంటూ పోతే తీరే మార్గం కనిపించలేదు. అందుకే నా భార్య, నేను కలిసి ఇడ్లీ వ్యాపారం చూసుకుంటున్నాము. "నా భార్య మంచి ఇడ్లీలు చేస్తుంది. వాటిని అమ్మడం ద్వారా నాకు ప్రతిరోజూ 300 నుండి 400 రూపాయలు వస్తుంది. నాకు 50-100 రూపాయల లాభం వస్తుంది. ఈ డబ్బుతో నేను నా ఇంటిని నడుపుతున్నాను" అని అతను చెప్పాడు.

ఉప్రారియా మధ్యప్రదేశ్‌లోని హర్దా జిల్లాకు చెందినవారు. 2012లో, అతను ఒక ప్రైవేట్ కంపెనీలో చేస్తున్న ఉద్యోగాన్ని విడిచిపెట్టి, రూ. 8,000 జీతానికి HECలో చేరాడు . ప్రభుత్వ సంస్థ కావడంతో తన భవిష్యత్తు ఉజ్వలంగా ఉంటుందని ఆశపడ్డాడు కానీ పరిస్థితులు అతనికి అనుకూలంగా మారలేదు.

‘‘నాకు ఇద్దరు కూతుళ్లు.. ఇద్దరూ బడికి వెళ్తారు.. ఈ ఏడాది ఇంకా స్కూల్ ఫీజు కట్టలేకపోయాను.. స్కూల్ నుంచి రోజూ నోటీసులు పంపుతున్నారు.. క్లాస్ రూంలో కూడా టీచర్లు హెచ్ ఈసీలో పనిచేస్తున్న తల్లిదండ్రుల పిల్లలు ఎవరని అడుగుతారు.

"నా కుమార్తెలు ఏడుస్తూ ఇంటికి వస్తారు. వారు ఏడ్వడం చూసి నా గుండె పగిలిపోతుంది. కానీ నేను వారి ముందు ఏడవను," అని ఉప్రారియా చెప్పుకొచ్చారు.

ఈ పరిస్థితి దీపక్ ఉప్రారియాకు మాత్రమే కాదు. అతనిలాగే, హెచ్‌ఇసితో సంబంధం ఉన్న మరికొందరు కూడా ఏదో ఒక పని చేస్తూ జీవనోపాధి పొందుతున్నారు.