సారీ జడ్డూ.. నీ అవార్డు దొంగిలించాను: విరాట్ కోహ్లీ

ప్రపంచ కప్ 2023 లో పూణెలో జరిగిన మ్యాచ్‌లో బంగ్లాదేశ్‌తో భారత్ తలపడింది. మ్యాచ్‌లో 48వ వన్డే సెంచరీని కొట్టి ప్లేయర్ ఆఫ్ ది మ్యాచ్ గా విరాట్ కోహ్లీ నిలిచాడు. ఈ విజయంతో, భారత్ తమ నాల్గవ విజయాన్ని నమోదు చేసింది. నెట్ రన్ రేట్ ఆధారంగా అగ్రస్థానంలో ఉన్న న్యూజిలాండ్‌తో సమాన సంఖ్యలో ఉన్నప్పటికీ స్టాండింగ్‌లలో 8 పాయింట్లతో రెండవ స్థానంలో ఉంది.

తన 10 ఓవర్లలో 2/38తో తిరిగి వచ్చిన జడేజా రెండు కీలక వికెట్లు తీసి బంగ్లాదేశ్‌ను 256/8కి పరిమితం చేశాడు. జడేజా 38 పరుగుల వద్ద ముష్ఫికర్ రహీమ్‌ను ముప్పు తిప్పలు పెట్టి అద్భుతమైన డైవింగ్ క్యాచ్ తీసుకున్నాడు.

మ్యాచ్ అనంతరం కోహ్లీ మాట్లాడుతూ "జడ్డూ నుండి దానిని (POTM అవార్డు) దొంగిలించినందుకు క్షమించమని కోరుతున్నాను. నేను నా బెస్ట్ అందించాలనుకున్నాను. ఇప్పటికే నేను ప్రపంచ కప్‌లలో కొన్ని అర్ధశతకాలు సాధించాను. చివరి వరకు నేను జట్టు కోసం ఎన్నో ఏళ్లుగా పోరాటం చేస్తున్నాను అని అన్నాడు.

"నేను శుభ్‌మాన్‌కి చెబుతున్నాను, మీరు అలాంటి పరిస్థితి గురించి కలలుగనండి. ఆ కల సాకారమైనప్పుడు మీరు హాయిగా నిద్రపోతారు. అది నిజమని మీరు నమ్మలేరు. ఇది నాకు కల ప్రారంభం, మొదటి నాలుగు బంతులు, రెండు ఫ్రీ-హిట్‌లు, ఒక సిక్సర్ మరియు ఫోర్. ఇక్కడ పిచ్ కూడా చాలా బాగుంది. ఇది నా ఆటను ఆడటానికి అనుమతించింది అని కోహ్లీ బంగ్లాదేశ్ పై తమ జట్టు విజయం సాధించిన అద్భుత క్షణాలను పంచుకున్నారు.

డ్రస్సింగ్ రూములో కూడా మంచి వాతావరణం ఉంది, మేము ఒకరికొకరు మా అనుభవాల్ని పంచుకుంటూ జట్టును విజయపథంలో పయనించేందుకు ప్రయత్నిస్తున్నాము. మైదానంలో మమ్మల్ని ప్రోత్సహిస్తూ అభిమానులు చేసే అల్లరి మాలో మరింత ఉత్సాహాన్ని నింపుతుంది అని అన్నాడు. ప్రపంచ కప్ ఓ సుదీర్ఘ టోర్నమెంట్ అని మేము అర్థం చేసుకున్నాము. ఇంట్లో ఆడటం, వీళ్లందరి ముందు ఆడటం ఒక ప్రత్యేక అనుభూతి, మేము దానిని సద్వినియోగం చేసుకోవాలనుకుంటున్నాము" అని కోహ్లీ ముగించాడు.

కోహ్లి తన అద్భుతమైన కెరీర్‌లో అత్యంత వేగంగా 26,000 అంతర్జాతీయ పరుగులు చేసిన ఆటగాడిగా లెజెండరీ సచిన్ టెండూల్కర్‌ను అధిగమించడం ద్వారా గొప్ప మైలురాయిని కూడా సాధించాడు. ఆట ప్రారంభానికి ముందు 73 పరుగులు చేయాల్సిన కోహ్లి.. సిక్సర్ బాది స్టైల్ గా ల్యాండ్ మార్క్ చేరుకున్నాడు.