సూర్యకుమార్ యాదవ్ సారథ్యంలో T20 సిరీస్.. ఆస్ట్రేలియాతో ఆరంభం
నవంబర్ 23న ఆస్ట్రేలియాతో ప్రారంభం కానున్న T20I సిరీస్‌కు భారత జట్టుకు సూర్యకుమార్ యాదవ్ కెప్టెన్‌గా ఎంపికయ్యాడు. సిరీస్‌లోని మూడో మ్యాచ్ తర్వాత శ్రేయాస్ అయ్యర్ జట్టులోకి వచ్చి వైస్-కెప్టెన్‌గా బాధ్యతలు చేపట్టనున్నాడు.
నవంబర్ 23న విశాఖపట్నంలో ఆస్ట్రేలియాతో భారత్ తొలి టీ20 జరగనుంది. ఈ సిరీస్‌లో రోహిత్ శర్మ, విరాట్ కోహ్లిలకు విశ్రాంతినిచ్చారు. చివరి రెండు టీ20లకు శ్రేయాస్ జట్టులో చేరనున్నాడు.
ఆస్ట్రేలియాతో జరగబోయే T20I సిరీస్ కోసం భారత్ కొత్తగా 15 మంది సభ్యులతో కూడిన జట్టును ప్రకటించింది. నవంబర్ 23న వైజాగ్‌లో ప్రారంభం కానున్న ఐదు మ్యాచ్‌ల సిరీస్‌కు సూర్యకుమార్ యాదవ్ కెప్టెన్‌గా ఎంపికయ్యాడు.
ఇటీవలి కాలంలో భారత T20I జట్టుకు నాయకత్వం వహించిన హార్దిక్ పాండ్యా, ప్రపంచ కప్ 2023 సమయంలో తగిలిన గాయం నుండి ఇంకా బయటపడలేదు. దాంతో ముంబై బ్యాటర్ సూర్యకుమార్ యాదవ్ కు కెప్టెన్ గా బాధ్యతలు తీసుకునే అవకాశం వచ్చింది.
భారత జట్టు కెప్టెన్‌గా సూర్యకుమార్‌కు ఇది మొదటి బాధ్యత. T20Iలలో ICC No.1 బ్యాటర్ IPL 2023 సీజన్‌లో కెప్టెన్సీ టోపీని ధరించాడు. ఈ ఏడాది ప్రారంభంలో ఐర్లాండ్ పర్యటనలో అంతర్జాతీయ అరంగేట్రం చేసిన యువ ఎడమచేతి వాటం ఆటగాడు రింకూ సింగ్, తిలక్ వర్మ, యశశ్వీ జైస్వాల్ కూడా భారత జట్టులోకి తిరిగి వచ్చారు.
ప్రపంచ కప్ 2023 జట్టులో భాగమైన శ్రేయాస్ అయ్యర్, మూడవ T20I తర్వాత జట్టులో చేరతాడు. మిగిలిన మ్యాచ్‌లకు జట్టుకు వైస్ కెప్టెన్‌గా వ్యవహరిస్తాడు. తొలి రెండు టీ20లకు రుతురాజ్ గైక్వాడ్ సూర్యకుమార్‌కు డిప్యూటీగా వ్యవహరిస్తారు.
వచ్చే ఏడాది వెస్టిండీస్, యునైటెడ్ స్టేట్స్ ఆఫ్ అమెరికా (యుఎస్ఎ)లో జరగనున్న టి 20 ప్రపంచ కప్ కోసం భారతదేశం ఈ సిరీస్ తో సన్నాహాలు ప్రారంభిస్తుంది.
విశాఖపట్నంలోని డాక్టర్ వైఎస్ రాజశేఖరరెడ్డి ఏసీఏ-వీడీసీఏ క్రికెట్ స్టేడియంలో గురువారం, నవంబర్ 23న ఆస్ట్రేలియాతో భారత్ తొలి టీ20 జరగనుంది. నవంబర్ 26, 28, డిసెంబర్ 1 మరియు 3 తేదీల్లో తిరువనంతపురం, గౌహతి, నాగ్‌పూర్, హైదరాబాద్‌లు మిగతా నాలుగు మ్యాచ్‌లకు ఆతిథ్యం ఇవ్వనున్నాయి.
భారత జట్టు సభ్యులు: సూర్యకుమార్ యాదవ్ (కెప్టెన్), రుతురాజ్ గైక్వాడ్ (వైస్ కెప్టెన్), ఇషాన్ కిషన్, యశస్వి జైస్వాల్, తిలక్ వర్మ, రింకూ సింగ్, జితేష్ శర్మ (WK), వాషింగ్టన్ సుందర్, అక్షర్ పటేల్, శివమ్ దూబే, రవి బిష్ణోయ్, అర్ష్‌దీప్ సింగ్, ప్రసిద్ధ్ కృష్ణ, అవేశ్ ఖాన్, ముఖేష్ కుమార్, శ్రేయాస్ అయ్యర్ (చివరి రెండు టీ20లకు జట్టులో చేరేందుకు).
