13ఏళ్ల బాలికపై వీధికుక్క దాడి.. 2 నెలల తర్వాత రేబీస్‌తో మృతి
పిలిప్పీన్స్‌లో 13 ఏళ్ల బాలిక రేబిస్‌తో చనిపోయింది. వీధికుక్క కరచిన విషయాన్ని ఆమె తన తల్లిదండ్రులకు తెలియకుండా దాచి పెట్టింది. జమైకా స్టార్ సెరాస్పే ఫిలిప్పీన్స్‌లోని టోండో జిల్లాలో నివసిస్తోంది. మనీలాలో పాఠశాల నుండి ఇంటికి నడుచుకుంటూ వెళ్తుండగా, ఫిబ్రవరి 9న ఒక వీధికుక్క ఆమెను కరిచింది.
జమైకా తన తల్లిదండ్రులకు నిజం చెప్పకుండా మెటల్ వైర్‌ గీసుకుందని అబద్ధం చెప్పింది. దాంతో వాళ్లు జమైకాను ఆస్పత్రికి తీసుకువెళ్లలేదు. అయితే, రెండు నెలల తర్వాత, ఆమెకు జ్వరం, వెన్నునొప్పి, అలసట, నీరు త్రాగడానికి ఇబ్బంది వంటి తీవ్రమైన లక్షణాలు కనిపించాయి. ఆమె చివరకు జరిగిన విషయాన్ని తన తల్లి రోస్లిన్ సరస్పేకు చెప్పింది. దాంతో తల్లి వెంటనే జమైకాను శాన్ లాజారో ఆసుపత్రికి తీసుకువెళ్లింది.
ఆసుపత్రిలో ఉన్న సమయంలో కుమార్తె పరిస్థితి రోజు రోజుకి క్షీణించడం ప్రారంభించింది. దాంతో ఆమె గుండె పిండేసినట్లైంది. ఏప్రిల్ 6 న వైరల్ వ్యాధి జమైకాను మరింత బాధ పెట్టింది. నొప్పితో మంచంపై కొట్టుకుంటుంటే నర్సులు ఆమెను నిరోధించవలసి వచ్చేది. మరి కొద్ది రోజులకే జమైకా బాధ భరించలేక కన్నుమూసింది.
ఆమె తల్లి మాట్లాడుతూ.. "జమైకా మరణాన్ని నేను అంగీకరించలేను. ఆమెను మా నుండి అకస్మాత్తుగా తీసుకువెళ్లడంతో చాలా కష్టంగా ఉంది. కుక్క కరిచింది కాబట్టి తనకు రేబిస్ సోకుతుందని నమ్ముతున్నానని జమైకా అనడంతో వెంటనే నాకు ఎందుకు చెప్పలేదని నేను ఆమెను అడిగాను.
జమైకా శవపరీక్ష నివేదిక రాబిస్ ఎన్సెఫాలిటిస్‌తో చనిపోయిందని చూపించింది. ఇది లక్షణాలు కనిపించడం ప్రారంభించే సమయానికే దాదాపు ప్రాణాంతకంగా మారింది.
జమైకాను కరిచిన కుక్క ఫిబ్రవరిలో మరో ఏడుగురిపై కూడా దాడి చేసిందని గ్రామ అధికారులు తెలిపారు. స్థానిక అధికారులు పట్టుకున్నారు కానీ ఎనిమిది రోజుల తర్వాత వెటర్నరీ క్లినిక్‌లో మరణించారు.
విషాద సంఘటన తర్వాత, టీనేజ్ కుటుంబం ఏప్రిల్ 18న ఆన్‌లైన్ పోస్ట్‌లో ఇతర తల్లిదండ్రులను హెచ్చరించింది: ''ఇతర తల్లిదండ్రులకు, మీ బిడ్డ వింతగా ప్రవర్తిస్తుంటే స్పృహతో ఉండండి. పిల్లి గీతలు, కుక్క కాటులను తీవ్రంగా పరిగణించమని మీ పిల్లలకు నేర్పండి. వెంటనే పెద్దలకు చెప్పండి. రాబిస్ ని తేలిగ్గా తీసుకోవద్దు ఇది ప్రాణాంతకం. దయచేసి అశ్రద్ధ చేయకండి.
జమైకా తన మరణానికి ముందు ఇలా వ్రాసింది: ''నిజానికి, నాకు రేబిస్ ఉందని తెలుసు. నేను మామాకు చెప్పలేకపోయాను ఎందుకంటే ఆమె నిరాశ చెందడం నాకు ఇష్టం లేదు. కానీ ఏదో ఒక రోజు నా పరిస్థితి క్షీణిస్తుందని నేను గుర్తించలేకపోయాను.
''నాకు శ్వాస తీసుకోవడం చాలా కష్టంగా మారింది. నేను ఆసుపత్రిలో చేరినట్లయితే, దయచేసి నొప్పితో స్పృహలో ఉండకుండా కోమాలోకి పంపించండి అని సోషల్ మీడియా పోస్టులో రాసుకుంది.
