మాల్దీవుల అధ్యక్షుడు మహ్మద్ ముయిజు భారత ప్రధాని మోదీకి క్షమాపణచెప్పాలి
మాల్దీవుల అధ్యక్షుడు మహ్మద్ ముయిజు (Mohammed Muiz) భారత్‌ను వ్యతిరేకించినందుకు తన దేశంలోనే వ్యతిరేకతను ఎదుర్కొంటున్నారు. ప్రతిపక్ష పార్టీ నేతలు ఆయనపై విమర్శలు గుప్పిస్తున్నారు. మరోవైపు, భారత ప్రధాని మోదీకి (PM Modi), భారత ప్రజలకు క్షమాపణలు చెప్పాలని మాల్దీవుల జంహూరీ పార్టీ (జేపీ) నాయకుడు ఖాసిం ఇబ్రహీం అధ్యక్షుడు మహ్మద్ ముయిజును కోరారు.
మాల్దీవుల ప్రతిపక్ష నేత ఖాసిం ఇబ్రహీం మాట్లాడుతూ.. ఏ దేశం గురించి, ముఖ్యంగా మీ పొరుగు దేశాల గురించి ఇలాంటి ప్రకటనలు చేయవద్దని అన్నారు. ఇలాంటివి ఇరు దేశాల మధ్య ఉద్రిక్తతను పెంచి, సంబంధాలను చెడగొడతాయని అన్నారు. భారత ప్రజలకు, అక్కడి ప్రధానికి అధికారికంగా క్షమాపణలు చెప్పాల్సిందిగా ప్రెసిడెంట్ ముయిజును కోరాలనుకుంటున్నట్లు ఆయన చెప్పారు.
గత ఏడాది డిసెంబర్‌లో ప్రధాని నరేంద్ర మోదీ లక్షద్వీప్‌లో పర్యటించారు . ఈ సందర్భంగా, ప్రధాని లక్షద్వీప్‌ను మాల్దీవుల వంటి అందమైన ప్రదేశంగా అభివర్ణించారు . లక్షద్వీప్‌ను సందర్శించాలని పర్యాటకులకు విజ్ఞప్తి చేశారు. పీఎం తన సోషల్ మీడియాలో సీ ఐలాండ్ చిత్రాలను కూడా పంచుకున్నారు. ప్రధాని చేసిన ఈ ట్వీట్ తర్వాత, మాల్దీవుల ప్రభుత్వ మంత్రులు ప్రధానితో పాటు భారతదేశంపై అభ్యంతరకరమైన వ్యాఖ్యలు చేశారు. ఆ తర్వాత పెద్ద దుమారమే రేగింది.
దీని తర్వాత భారత్, మాల్దీవుల మధ్య సంబంధాలు క్షీణిస్తూనే ఉన్నాయి. మంత్రులపై చర్యలు తీసుకున్న మాల్దీవుల ప్రభుత్వం ముగ్గురు మంత్రులను సస్పెండ్ చేసింది. ఇక్కడ భారతదేశంలో, ప్రజలు సోషల్ మీడియాలో మాల్దీవుల బహిష్కరణ అనే హ్యాష్‌ట్యాగ్‌ను ప్రారంభించారు. అప్పటి నుండి, అధ్యక్షుడు మహ్మద్ ముయిజు నిరంతరం ప్రతిపక్ష నాయకుల లక్ష్యంగా ఉన్నారు. కొద్ది రోజుల క్రితమే మాల్దీవుల్లో ఉన్న భారత సైనికులను అక్కడి నుంచి తొలగించాలనిమాల్దీవుల అధ్యక్షుడు అల్టిమేటం ఇస్తూ.. ఇందుకోసం మార్చి వరకు భారత్‌కు గడువు ఇచ్చారు.
