వెయ్యి కోట్లు ఖర్చుపెట్టైనా సరే.. కరోనాను ఎదుర్కొంటాం: కేసీఆర్

కరోనా వైరస్‌ గురించి హైరానా పడాల్సిన అవసరం లేదన్నారు సీఎం కేసీఆర్. ఇంతవరకు తెలంగాణలోని ఒక్క వ్యక్తికి కూడా కరోనా రాలేదని చెప్పారు. దుబాయ్ నుంచి వచ్చిన ఒక్కరికి మాత్రమే ఈ వైరస్ సోకిందని.. అతడు కూడా ఇప్పుడు కోలుకుంటున్నారని అన్నారు. వెయ్యి కోట్లు ఖర్చుపెట్టైనా సరే కరోనాను ఎదుర్కొంటామని స్పష్టం చేశారు. అవసరమైతే శాసనసభ బంద్ పెట్టి.. ఎమ్మెల్యేలంతా వెళ్లి నియోజకవర్గాల్లో నిలబడుతారని అన్నారు. కరోనాను ఎదుర్కొనేందుకు సర్వశక్తులు ఒడ్డుతామని చెప్పారు సీఎం.