ఒడిశాలో 20వేలకు చేరువలో కరోనా పాజిటివ్ కేసులు

దేశంలో కరోనా మహమ్మారి విజృంభిస్తోంది. ఇక ఒడిశాలో కరోనా కలకలం సృష్టిస్తోంది. రాష్ట్రంలో కరోనా కేసులు రోజురోజుకూ విజృంభిస్తున్నాయి. తాజాగా మంగళవారం 647 కేసులు నమోదయ్యాయి. కరోనా మహమ్మారి బారినపడి 457 మంది కొలుకొని డిశ్చార్జి అయ్యారని ఆ రాష్ట్ర కుటుంబ, ఆరోగ్య సంక్షేమ మంత్రిత్వశాఖ తెలిపింది. ఇప్పటివరకు ఆ రాష్ట్రంలో మొత్తం 18,757 కరోనా కేసులు నమోదయ్యాయి. కరోనా నుంచి రాష్ట్రవ్యాప్తంగా 12,910 మంది కోలుకొని డిశ్చార్జి అయ్యారు. కరోనా మహమ్మారి బారిన పడి ఇప్పటి వరకు 103 మంది మృతి చెందారు.