స్థానిక సంస్థల ఎన్నికల్లో అధికార వైసీపీ.. అరాచకాలకు తెరలేపుతోంది అంటూ టీడీపీ నేతలు మండిపడుతున్నారు. గుంటూరు జిల్లాలోని నగరంలో టీడీపీ ఎంపీపీ అభ్యర్థిని అక్రమంగా అరెస్టు చేశారంటూ ఎమ్మెల్యే అనగాని సత్యప్రసాద్ ఆధ్వర్యంలో రాస్తారోకో నిర్వహించారు. ఈ రాస్తారోకోలు భారీగా మండల నాయకులు, కార్యకర్తలు పాల్గొన్నారు. ఎంపీపీ అభ్యర్థి ఆళ్ల చౌదరి ఇంట్లో మద్యం బాటిల్స్ పెట్టి.. అక్రమంగా కేసులో ఇరికించారు అంటూ వారు ఆందోళనకు దిగారు. వెంటనే ఆళ్ల చౌదరిని విడుదల చేయాలి అంటూ డిమాండ్ చేశారు.