మే 1న కార్మిక దినోత్సవం రోజున పంజాబ్ కాంగ్రెస్ వినూత్న నిర్ణయం ప్రకటించింది. కరోనాపై పోరుకు మద్దతుగా మే 1న ప్రజలంతా తమ ఇళ్ళపై జాతీయ జెండాలను ఎగురవేయాలని కోరింది. పంజాబ్ పీసీసీ అధ్యక్షుడు సునీల్ జక్కర్ మాట్లాడుతూ రాష్ట్ర ప్రజలంతా కోవిడ్-19పై పోరుకు మద్దతుగా నిలవాలన్నారు. ఈ సంక్షోభ సమయంలో కార్మిక దినోత్సవంనాడు ఈ మహమ్మారిపై పోరాటానికి మద్దతుగా సంఘీభావం ప్రకటించాలన్నారు. అటు.. కేంద్రం నుంచి తమకు సాయం కావాలని.. తెలిపేందుకు గుర్తుగా జాతీయ జెండాలను ఎగురవేయాలని కోరారు.