Bigg Boss in OTT: ఓటీటీ బిగ్‌బాస్ హోస్ట్ బాలయ్య కాదా.. మరి?

Bigg Boss in OTT: అన్‌స్టాపబుల్ అంటూ ఓటీటీలో అదిరిపోయే ఎంట్రీ ఇచ్చిన బాలకృష్ణ నటీనటులతో చేస్తున్న చిట్ చాట్ ఆకట్టుకుంటోంది. తాజాగా బిగ్‌బాస్ ఓటీటీలోకి ప్రవేశిస్తున్నాడని వార్తలు వచ్చాయి. ఈ నేపథ్యంలో హోస్ట్ ఎవరనే అంశం తెరపైకి వచ్చింది.

పవర్‌ఫుల్ డైలాగులతో బాక్స్‌ఫీస్ రికార్డులను షేక్ చేసే బాలయ్యను తీసుకుంటారని తెలిసింది. కానీ బుల్లితెరపై సీజన్‌5కి హోస్ట్ చేసిన నాగార్జునే ఇక్కడ కూడా హోస్ట్‌గా వ్యవహరిస్తారని తెలిసింది. ఈ విషయాన్ని ఆయనే స్వయంగా ఓ కార్యక్రమంలో తెలియజేశారు.

ప్రెస్‌మీట్‌లో పాల్గొన్న నాగార్జున ఈ విషయాన్ని వెల్లడించారు. ప్రముఖ వీడియో స్ట్రీమింగ్ సర్వీస్‌తో పాటు షోను ప్రసారం చేస్తున్న ఛానెల్, బిగ్ బాస్ తెలుగు OTTతో పాటు వారి కొత్త వెబ్ సిరీస్‌ల శ్రేణిని త్వరలో ప్రసారం చేయబోతున్నట్లు ప్రకటించింది.

తెలుగులో పాపులర్ రియాలిటీ టీవీ సిరీస్ డిజిటల్ వెర్షన్ టెలివిజన్ కౌంటర్ కంటే భిన్నంగా ఉండబోతోందని మేకర్స్ పేర్కొన్నారు. బిగ్ బాస్ తెలుగు 5 గ్రాండ్ ఫినాలేలో వచ్చే సీజన్ మరో రెండు నెలల్లో ప్రారంభం కానుందని నాగార్జున ఇప్పటికే ప్రకటించారు. దీనికి సంబంధించిన కంటెస్టెంట్‌ల గురించిన మరిన్ని వివరాలు త్వరలో వెల్లడి కానున్నాయి.

బిగ్ బాస్ తెలుగుతో తనకున్న అనుబంధం గురించి హోస్ట్ నాగార్జున మాట్లాడుతూ.. "బిగ్ బాస్ లోకి అడుగుపెట్టే ముందు నేను మొదట్లో భయపడ్డాను. కానీ ఇప్పుడు నేను అమితమైన ఫాలోయర్‌ని. నేను షోను చూస్తూ నోట్స్ రాసుకునేవాడిని. ఇది గొప్ప అనుభవం. నిజానికి, బిగ్ బాస్ వారి జీవితాన్ని మార్చే అనుభవం అని పోటీదారులు నాకు చెప్పినప్పుడు చాలా సంతృప్తిగా అనిపించింది.

బిగ్ బాస్ తెలుగు యొక్క రాబోయే డిజిటల్ వెర్షన్ గురించి మాట్లాడుతూ, బిగ్ బాస్ తెలుగు OTTలో రాబోతోందని దానికి కూడా నన్నే హోస్ట్ చేయమని టీమ్ నన్ను ఒప్పించింది. నేను ఈ కొత్త ఛాలెంజ్‌ని స్వాగతిస్తున్నాను అని నాగార్జున చెప్పుకొచ్చారు.