The Vaccine War: వ్యాక్సిన్ వార్ కు ఆస్కార్ లైబ్రరీ అకాడమీ కలెక్షన్స్ ఆహ్వానం

వివేక్ రంజన్ అగ్నిహోత్రి దర్శకత్వం వహించిన 'ది వ్యాక్సిన్ వార్', బాక్సాఫీస్ వద్ద పెద్దగా రాణించలేకపోయింది, ప్రపంచవ్యాప్తంగా మంచి గుర్తింపు పొందలేకపోయింది. ఈ సందర్భంలోనే ఆస్కార్ లైబ్రరీ ద్వారా 'అకాడెమీ కలెక్షన్స్'లో 'ది వ్యాక్సిన్ వార్' స్క్రిప్ట్‌ను ఆహ్వానించి, అంగీకరించినట్లు ఈ చిత్ర దర్శకుడు సోషల్ మీడియా ద్వారా వెల్లడించాడు.

తన ఆనందాన్ని వ్యక్తం చేస్తూ, ''ఇండియన్ సూపర్‌హీరోల ఈ గొప్ప కథను వందల సంవత్సరాలు మరింత మంది చదవడం నాకు సంతోషంగా ఉంది'' అని వివేక్ రంజన్ రాశారు.

'ది వ్యాక్సిన్ వార్' బాక్స్ ఆఫీస్ రిపోర్ట్

ఈ చిత్రం సెప్టెంబర్ 28న విడుదలైనప్పటి నుండి సరైన ప్రదర్శనను ఇవ్వలేదు. ఇప్పటివరకు, 'వ్యాక్సిన్ వార్' భారతదేశంలో దాదాపు 10 కోట్ల రూపాయల నికర వసూలు చేసింది. ఈ చిత్రం కేవలం 85 లక్షల ఓపెనింగ్స్ ను కలెక్ట్ చేసింది.

సినిమా గురించి

ఈ చిత్రంలో నానా పటేకర్, పల్లవి జోషి ప్రధాన పాత్రలలో నటించారు. రైమా సేన్, అనుపమ్ ఖేర్ , సప్తమి గౌడ, గిరిజా ఓక్ కూడా సహాయక పాత్రల్లో నటించారు. కోవిడ్-19 మహమ్మారి సమయంలో భారతదేశంలో కోవాక్సిన్ అభివృద్ధి గురించి వ్యాక్సిన్ వార్ చెబుతుంది. ఇది కోవిడ్-19 వ్యాక్సిన్ తయారీలో భారతీయ శాస్త్రవేత్తలు, ప్రధానంగా ఆడవారి ప్రయత్నాలపై కూడా వెలుగునిస్తుంది.

ఈ చిత్రం ఇంగ్లీష్, మరాఠీ, బెంగాలీ, తెలుగు, తమిళం, కన్నడ వంటి పలు భాషల్లో థియేటర్లలో విడుదలైంది. జాతీయ సినిమా దినోత్సవంగా జరుపుకునే అక్టోబర్ 13 శుక్రవారం నాడు కేవలం 99 రూపాయలతో సినిమా ప్రేక్షకులు సినిమాల్లో చూసుకోవచ్చని చిత్ర నిర్మాతలు ప్రకటించారు. ఇది ఇండియన్ కౌన్సిల్ ఆఫ్ మెడికల్ రీసెర్చ్ ప్రొఫెసర్ బలరామ్ భార్గవ రాసిన 'గోయింగ్ వైరల్' పుస్తకం ఆధారంగా రూపొందించబడింది.