కేజీఎఫ్ స్టార్ గా తిరుగులేని క్రేజ్ ఉన్న హీరో యశ్. అతని తర్వాతి మూవీ విషయంలో కాస్త రాంగ్ స్టెప్ వేశాడు అనిపించారు. బట్ గ్లింప్స్, టీజర్ తో అదరగొట్టాడు. ఈ మూవీని మార్చి 19న విడుదల చేయాలని నిర్ణయించుకున్నారు. బట్ ప్రమోషన్స్ విషయంలో మాత్రం కాస్త లైట్ గా తీసుకున్నారు. ఆ కారణంగా ఈ మూవీ వాయిదా పడబోతోందా అనిపించారా కొందరు. ఫైనల్ గా టాక్సిక్ వాయిదా పడింది. జూన్ 4 న ఈ మూవీ రిలీజ్ చేయబోతున్నట్టు నిర్మాణ సంస్థ ప్రకటించింది. అయితే ఇది ధురంధర్ 2తో పోటీ కారణంగా కాదు అని కూడా తేల్చింది.
ప్రస్తుతం మిడిల్ ఈస్ట్ లో యుద్ధ వాతావరణం కనిపిస్తోంది. కొన్ని దేశాల్లో దారుణమైన పరిస్థితిలో ఉంది. ఆ టైమ్ లో మా సినిమా విడుదల చేయడం కుదరదు అని తెలుసు. ఆ కారణంగానే టాక్సిక్ ను వాయిదా వేస్తున్నాం అంది నిర్మాణ సంస్థ. ఈ మూవీపై ప్రపంచ వ్యాప్తంగా తిరుగులేని క్రేజ్ ఉంది. గ్లోబల్ ఆడియన్స్ కూ మా మూవీ రీచ్ కావాలని బలంగా కోరుకుంటున్నాం. అందుకే ఈ యుద్ధం కారణంగా మూవీ వాయిదా వేస్తున్నాం అన్నారు. మొత్తంగా ఈ మూవీ పోస్ట్ పోన్ వల్ల చాలా సమస్యలు వచ్చేలా ఉన్నాయి అనుకోవడానికి లేదు. అలాగే ధురంధర్ 2 వల్ల అని కూడా లేదు. ఆల్రెడీ ధురంధర్ పై మిడిల్ ఈస్ట్ లో బ్యాన్ విధించారు. ఇప్పుడు సీక్వెల్ తో వచ్చే సమస్యలు కూడా ఏం లేవు. సో.. టాక్సిక్ పోస్ట్ పోన్ కారణంగా ధురంధర్ 2కు సోలో రిలీజ్ పడింది.