త్రివిక్రమ్ ఫస్ట్ ప్యాన్ ఇండియా మూవీ.. హీరో ఎవరో తెలుసా..

గుంటూరు కారం డిజాస్టర్ తో మాటల మాంత్రికుడు త్రివిక్రమ్ శ్రీనివాస్ ఒక్కసారిగా డీలా పడ్డాడు. కెరీర్ లో ఎప్పుడూ లేని విధంగా ఆయన మాటలపై విమర్శలు వచ్చాయి. టేకింగ్, స్క్రీన్ ప్లే పైనా కమెంట్స్ వచ్చాయి. చాలామంది ఓపెన్ గానే ఈ డిజాస్టర్ కు త్రివిక్రమ్ మాత్రమే కారణం అన్నట్టుగా మాట్లాడారు. ఆ విషయంలో ఆయన కొంత మనస్థాపం చెందారు అనే వార్తలు వచ్చాయి. కానీ అవి నిజం కాదు. ఆయన ఈ సారి నెక్ట్స్ లెవల్ సినిమా చేయడానికి తీసుకున్న నిశ్శబ్ధం. ఇన్నాళ్లూ తెలుగుకే పరిమితం అయిన త్రివిక్రమ్ మాటల మంత్రం త్వరలోనే ప్యాన్ ఇండియా స్థాయిలో వినిపించబోతోంది. అది కూడా మైథాలజీ కథతో అంటున్నారు. మరి ఈ కథలో హీరో ఎవరో తెలుసా..? ఇంకెవరు.. త్రివిక్రమ్ కు బాగా ఇష్టమైన అల్లు అర్జున్.

యస్ .. పుష్ప 2 తర్వాత అల్లు అర్జున్ చేసే సినిమా త్రివిక్రమ్ తోనే అని అఫీషియల్ గానే కన్ఫార్మ్ అయింది. ఐకన్ స్టార్ సన్నిహితుడు బన్నీ వాస్ ఈ విషయాన్ని స్వయంగా చెప్పాడు. ఇది ఇండియన్ సినిమా హిస్టరీలోనే హయ్యొస్ట్ బడ్జెట్ తో రూపొందే సినిమా అని కూడా చెప్పాడు. ఆ బడ్జెట్ కోసం హారిక హాసినితో పాటు గీతా ఆర్ట్స్ బ్యానర్స్ కూడా ఇంకా చాలా అప్పులు చేయాల్సినంత బడ్జెట్ అన్నాడు.

కొన్నాళ్ల క్రితం మహా భారతం గురించి మాట్లాడాడు త్రివిక్రమ్. అందుకే అతను ఆ కథనే చెప్పబోతున్నాడు అనే ప్రచారం జరుగుతోంది. అందుకు తగ్గట్టుగానే అల్లు అర్జున్ ను అర్జునుడుగా చూపించబోతున్నాడు అంటున్నారు. మొత్తంగా త్రివిక్రమ్ ఈ సారి చాలా కసిగా ఉన్నాడు. ఇటు ఐకన్ స్టార్ కు ఆల్రెడీ ప్యాన్ ఇండియా ఇమేజ్ వచ్చింది. ఆ ఫేస్ తో త్రివిక్రమ్ కూడా కంట్రీ మొత్తం షేక్ అయ్యే ఓ సాలిడ్ హిట్ కొడితే.. ఆయన కూడా ప్యాన్ ఇండియా డైరెక్టర్ల లిస్ట్ లోకి వెళతాడు. మొత్తంగా ఈ అప్డేట్ తో అల్లు అర్జున్ నెక్ట్స్ మూవీ మేటర్ కూడా బయటకు వచ్చినట్టే.