Jana Gana Mana: 'జనగణమన'కు మహేష్ ఎందుకు నో చెప్పాడంటే ?

Janaganamana : టాలీవుడ్ సూపర్ స్టార్ మహేష్ బాబు, దర్శకుడు పూరీ జగన్నాథ్ కాంబినేషన్ అంటే ప్రేక్షకులకు చాలా స్పెషల్. ఇప్పటికే వీరిద్దరి కాంబినేషన్‌లో పోకిరి, బిజినెస్‌మెన్ చిత్రాలు తెరకెక్కి బాక్సాఫీస్ వద్ద సంచలన విజయాలు సాధించాయి. ఆ తర్వాత వీరి కాంబినేషన్‌‌లో మరో సినిమా తెరకెక్కితే బాగుంటుందని అభిమానులు ఎప్పటినుంచో అనుకుంటున్నారు.. కానీ వివిధ కారణాల వల్ల ఈ కాంబినేషన్‌‌లో మరో సినిమా కుదరలేదు.

కానీ మహేష్‌‌ని మాత్రమే దృష్టిలో ఉంచుకొని చాలా ఏళ్ల క్రితమే 'జనగణమన' అనే స్క్రిప్ట్‌ను సిద్ధం చేశారు పూరీ.. మహేష్‌కు కూడా కథని వినిపించారు.. కానీ మహేష్ నుంచి ఎలాంటి రెస్పాండ్ లేకపోవడంతో ఆ సినిమా పట్టాలెక్కలేదు. ఇప్పుడు ఇదే స్క్రిప్ట్‌‌తో విజయ్ దేవరకొండని హీరోగా పెట్టి సినిమా చేస్తున్నారు పూరీ. తాజాగా ఈ సినిమాకు సంబంధించిన పోస్టర్ కూడా విడుదలైంది. ఈ చిత్రం పాన్ ఇండియా మూవీగా తెలుగు, హిందీతో పాటు ఇతర దక్షిణాది భాషల్లో విడుదల కానుంది.

ఆగస్ట్ 3, 2023న ఈ సినిమా రిలీజ్ కానుందని పూరీ అనౌన్సు కూడా చేసేశాడు.. వంశీ పైడిపల్లి ఈ సినిమాకి కో ప్రొడ్యూసర్‌‌గా వ్యవహరిస్తున్నారు. ఇదిలావుండగా మహేష్ ఈ స్టోరీకి ఎందుకు గ్రీన్ సిగ్నల్ ఇవ్వలేదన్న చర్చ నడుస్తోంది. ఇండస్ట్రీ టాక్ ప్రకారం.. దేశభక్తి మరియు ఆర్మీ బ్యాక్‌డ్రాప్‌లో తెరకెక్కుతోన్న 'జనగణమన' స్క్రిప్ట్.. రిస్క్‌‌తో కూడుకున్న సబ్జెక్ట్ అని మహేష్ భావించి ఇందులో నటించేందుకు ఆసక్తి చూపించలేదన్న చర్చ నడుస్తోంది.