"నేను సాధారణ అమ్మాయిని".. కాస్ట్లీ బ్యాగ్ గురించి స్పందించిన ఆధ్యాత్మిక గురు

ఆధ్యాత్మిక గురువులంటే నిరాడంబరంగా ఉండాలి. వారికి దేనిపైనా వ్యామోహం ఉండకూడదు.. వారి బోధనలు అలాగే ఉంటాయని, వారి జీవనశైలి కూడా అలానే ఉంటుందని ఊహించుకుంటాము.. కానీ చాలా మంది గురువులు లగ్జరీ లైఫ్ ని లీడ్ చేస్తుంటారు.. కార్లు, బంగళాలు, కాస్ట్లీ వస్తువులు. అదేమని ప్రశ్నిస్తే మేం కూడా మామూలు మనుషులమే అని సింపుల్ గా సమాధానం చెప్తారు.. మరి వారిని చూసి ఏం నేర్చుకోవాలని అయోమయంలో పడుతుంటారు శ్రోతలు.. 

చిన్న వయసులోనే అందర్నీ ఆకర్షించే మాటలతో ఆకట్టుకున్న జయ కిషోరికి కూడా  ఇలాంటి సమస్యనే ఎదుర్కున్నారు. 

ఆధ్యాత్మిక వక్త జయ కిషోరి ₹ 2 లక్షల కంటే ఎక్కువ విలువైన కస్టమ్ డియోర్ బ్యాగ్‌తో ఇటీవల విమానాశ్రయంలో కనిపించడంతో నెటిజన్స్ ట్రోల్స్ చేశారు. దాంతో వారికి ఆమె సింపుల్ గా సమాధానం చెప్పారు.. నేను కూడా సాధారణ అమ్మాయినే.. అని ఫాలోవర్లను, విమర్శించే వారికి సమాధానం చెప్పారు. 

ఈ విమర్శలపై శ్రీమతి కిషోరి స్పందిస్తూ.. ‘‘నేను సాధారణ అమ్మాయిని, సాధారణ ఇంట్లోనే ఉంటున్నాను, కుటుంబంతో కలిసి జీవిస్తున్నాను.. మీరు కష్టపడి సంపాదించండి, డబ్బు సంపాదించండి, మీ కుటుంబానికి మంచి జీవితాన్ని ఇవ్వండి, మీ కలలను నెరవేర్చుకోండి" అని తెలిపారు. 

"నా బ్యాగ్ కస్టమైజ్డ్. అందులో లెదర్ లేదు కస్టమైజ్డ్ అంటే మీ ఇష్టానుసారం తయారు చేసుకోవచ్చు. అందుకే నా పేరు కూడా రాసి ఉంది. నేనెప్పుడూ లెదర్ వాడలేదు, వాడను కూడా నా 'ప్రసంగాలకు' వచ్చిన వారికి నేను ఎప్పుడూ అంతా 'మోహము, మాయ' అని చెప్పను.

ఆమె ఫోటోలు వైరల్ అయిన తర్వాత, ఆమె అనుచరులు భౌతిక సంపద నుండి నిర్లిప్తతను సమర్థించే ఆధ్యాత్మిక బోధకురాలిగా ఆమె విశ్వసనీయతను ప్రశ్నించారు. X లో ఒక వినియోగదారు ఇలా పోస్ట్ చేసారు, "ఆధ్యాత్మిక బోధకురాలు జయ కిషోరి ఆమె ₹ 2,10,000 విలువైన డియోర్ బ్యాగ్‌తో ఉన్న తన వీడియోను తొలగించారు. ఆమె భౌతికవాదాన్ని బోధిస్తుంది, తనను తాను శ్రీకృష్ణుని భక్తురాలిగా చెప్పుకుంటుంది."

తనను విమర్శిస్తూ వచ్చిన పోస్ట్‌లపై స్పందిస్తూ, "నేను దేనినీ వదులుకోలేదు, కాబట్టి నేను అలా చేయమని మీకు ఎలా చెప్పగలను? నేను సన్యాసిని, సాధువు లేదా సాధ్విని కాదని నాకు మొదటి రోజు నుండి స్పష్టంగా ఉంది" అని అన్నారు.

కిషోరికి సోషల్ మీడియాలో విపరీతమైన ఫాలోయింగ్ ఉంది.  ఇన్‌స్టాగ్రామ్‌లో  12.3 మిలియన్లకు పైగా ఫాలోవర్స్ ఉన్నారు.