Madhya Pradesh: బావిలో పడిన బాలుడు.. స్నేహితుడి అరుపులతో..

Madhya Pradesh: ఇంటి ఆవరణలో ఆడుకుంటున్న ఓ బాలుడు ప్రమాదవశాత్తు బావిలో పడ్డాడు. స్నేహితుడి అరుపులు అతనిని రక్షించాయి. చిన్నారిని రక్షించేందుకు ఇంటి యజమాని బావిలోకి దూకి పడిన 3 నిమిషాల్లోనే బయటకు తీసి అతడి ప్రాణాలు కాపాడాడు.

మధ్యప్రదేశ్‌లోని దామోహ్ జిల్లాలో ఓ బాలుడు తన ఇంటి ఆవరణలో ఆడుకుంటూ 40 అడుగుల బావిలో పడి తృటిలో తప్పించుకున్నాడు. సీసీటీవీ కెమెరాలో రికార్డైన ఈ ఘటన పెద్ద విషాదంగా మారకపోవడంతో ఇంటి యజమాని వేగంగా స్పందించి 3 నిమిషాల్లోనే బాలుడిని రక్షించారు. సోమవారం సాయంత్రం పవన్ జైన్ ఇంటి ప్రాంగణంలో ఇద్దరు చిన్నారులు ఆడుకుంటున్నట్లు సీసీటీవీ ఫుటేజీలో రికార్డైంది. 

బావిని కప్పి ఉంచిన ఒక చిన్న ఇనుప మూత గుండా పడిపోతున్నప్పుడు, అదే ప్రాంగణంలో సైకిల్ తొక్కుతున్న మరో బాలుడు చూశాడు. వెంటనే సైకిల్ వదిలేసి పరుగున బావి వద్దకు వచ్చి స్నేహితుడిని రక్షించమంటూ గట్టిగా కేకలు వేశాడు.

పిల్లవాడి అరుపులు విన్న కుటుంబ సభ్యులు ఇంట్లో నుంచి బయటకు పరుగులు తీశారు. "నేను లోపలికి దూకి అతన్ని బయటకు తీయగలిగేంత వరకు పిల్లవాడు మునిగిపోకుండా ఉండేందుకు బావిలోకి తాడును విసిరాము" అని జైన్ చెప్పారు. నిమిషాల వ్యవధిలో బావిలో నుంచి చిన్నారిని కుటుంబ సభ్యులు బయటకు తీశారు. "బాలుడు సురక్షితంగా ఉన్నాడు. అతడికి ఎటువంటి గాయాలు కాలేదు" అని జైన్ తెలిపారు.