Kota: హాస్టల్ పై నుంచి జారి పడి నీట్ విద్యార్థి దుర్మరణం

Kota: రాజస్థాన్ కోటాలోని 6వ అంతస్థు నుండి పడి నీట్ కు ప్రిపేర్ అవుతున్న ఓ విద్యార్థి మరణించాడు. హృదయాన్ని కదిలించే ఈ వీడియో ఇప్పుడు సోషల్ మీడియాలో వైరల్ అవుతోంది. ఇషాంషు బ్యాలెన్స్ కోల్పోయి బాల్కనీ అల్యూమినియం రెయిలింగ్ పై పడిపోయాడు.. దాంతో అది అతని బరువును తట్టుకోలేక విరిగిపోయింది.

పశ్చిమ బెంగాల్‌కు చెందిన 20 ఏళ్ల నీట్ ఆశాకిరణం ఇషాంషు భట్టాచార్య జవహర్ నగర్ ప్రాంతంలోని తన హాస్టల్ భవనంలోని ఆరవ అంతస్తు నుండి పడి మరణించాడు. ఈ ఘటన జరిగినప్పుడు ఇషాంషు తన ముగ్గురు హాస్టల్ మేట్స్‌తో కలిసి భవనం ఆరో అంతస్తులోని బాల్కనీలో మాట్లాడుకుంటున్నారు. అర్ధరాత్రి సమయంలో, వారు తమ గదులకు తిరిగి వెళుతుండగా, అతను బ్యాలెన్స్ తప్పి పడిపోయి ఉంటాడని అనుమానిస్తున్నారు.

సర్కిల్ ఆఫీసర్ అమర్ సింగ్ తెలిపిన వివరాల ప్రకారం, ఇషాంషు బ్యాలెన్స్ కోల్పోయి బాల్కనీ అల్యూమినియం రెయిలింగ్‌పై పడిపోయాడు, అది అతని బరువును తట్టుకోలేక విరిగిపోయింది. ఆసుపత్రికి తీసుకువెళ్లేలోపే అతడు ప్రాణాలు కోల్పోయాడని తెలిపారు.

పశ్చిమ బెంగాల్‌లోని జల్‌పాయిగురి జిల్లా ధూప్‌గురికి చెందిన ఇషాంషు గతేడాది ఆగస్టులో కోటాకు వచ్చి మెడికల్ ప్రవేశ పరీక్ష నీట్‌కు సిద్ధమవుతున్నాడు.