ఖాతాలో రూ. 9వేల కోట్లు.. ఖంగుతిన్న క్యాబ్ డ్రైవర్

చెన్నైలోని ఓ క్యాబ్ డ్రైవర్‌కు తన ఖాతాలో రూ.9,000 కోట్లు బ్యాంకు ద్వారా జమ అయినట్లు మెసేజ్ వచ్చింది. తమిళనాడులోని పళనికి చెందిన రాజ్‌కుమార్‌గా గుర్తించిన క్యాబ్‌ డ్రైవర్‌ తన ఖాతాలో సెప్టెంబర్‌ 9న వేల కోట్ల సొమ్ము జమ అయినట్లు పేర్కొన్నాడు.

క్యాబ్ డ్రైవర్‌కు వచ్చిన మెసేజ్‌లో తమిళనాడు మర్కంటైల్ బ్యాంక్ తన ఖాతాలో రూ.9,000 కోట్లు జమ చేసినట్లు పేర్కొంది. తొలుత రాజ్‌కుమార్‌ దీన్ని స్కామ్‌గా భావించానని తెలిపాడు.

అసలు ఆ వచ్చిన మెసేజ్ నిజమా కాదా అని తెలుసుకోవడానికి అతను తన అకౌంట్ నుంచి తన స్నేహితుడికి రూ. 21,000 బదిలీ చేయడానికి ప్రయత్నించాడు, అది విజయవంతమైంది. అసలు ఆ మొత్తాన్ని బ్యాంకు తన బ్యాంకు ఖాతాకు బదిలీ చేసిందని అప్పుడే అర్థమైంది.

గత ఏడాది హెచ్‌డిఎఫ్‌సి కస్టమర్‌లు కూడా తమ బ్యాంకు ఖాతాలలో నగదు జమ అయినట్లు మెసేజ్ అందుకున్నారు. కొంతమంది వినియోగదారుల ఖాతాల్లో 13 కోట్ల రూపాయల వరకు జమ అయ్యాయి.

తన బ్యాంక్ అకౌంట్ హ్యాక్ అయిందన్న భయంతో ఓ కస్టమర్ చెన్నై పోలీసులకు సమాచారం ఇవ్వడంతో ఈ ఘటన వెలుగులోకి వచ్చింది. డెబిట్ మరియు క్రెడిట్ అప్‌డేట్‌లను కలిపిన సాఫ్ట్‌వేర్ ప్యాచ్‌ను ప్రాసెస్ చేస్తున్నప్పుడు తప్పుగా సందేశాలు పంపబడ్డాయని పోలీసులు బ్రాంచ్ అధికారులను సంప్రదించారు.

తన భార్య ఖాతాలో బ్యాలెన్స్ 1.23 కోట్లు పెరిగిందని, ఆపై బ్యాలెన్స్ మాయమైందని ఓ యూజర్ ట్వీట్ చేశారు.

“ప్రియమైన @HDFC_Bank నిన్న రాత్రి నా ఖాతాలో హెచ్‌డిఎఫ్‌సి పొరపాటున రూ. 2 కోట్లు జమ చేసింది. నేను కోల్‌కతాలోని నా బ్రాంచ్‌ను (రాజర్‌హాట్) వెంటనే సంప్రదించలేకపోయాను. దీనికి సంబంధించి ఎవరైనా కాల్ చేయగలిగితే నేను సంతోషిస్తాను" అని కోల్‌కతాకు చెందిన ఒక వినియోగదారు రాశారు. అయితే, కొన్ని నిమిషాల్లోనే, బ్యాలెన్స్ మొత్తం బ్యాంకు ద్వారా డెబిట్ చేయబడింది. దీంతో కస్టమర్ ఊపిరి పీల్చుకున్నారు.