ఆర్డర్ చేసిన ఆరెంజ్ లో పురుగు.. స్పందించిన కంపెనీ Zepto

ఇటీవల, ఒక కస్టమర్ యుటిలిటీస్ డెలివరీ యాప్, Zepto నుండి ఆర్డర్ చేసిన నారింజలో ఒకదానిలో ఒక పురుగును గుర్తించిన సంఘటన వెలుగులోకి వచ్చింది.

జీవనశైలిలో అనేక మార్పులు చోటు చేసుకున్నాయి. ఫుడ్ యాప్ లతో పాటు, యుటిలిటీస్ డెలివరీ యాప్‌లు కూడా మనిషిని మరీ బద్దకస్తులను చేస్తున్నాయి. వీధి చివర ఉన్న కిరాణా కొట్టుకు కూడా వెళ్లలేని పరిస్థితి. అయితే ఈ యాప్‌ల నుండి మనం పొందుతున్న ఆహారం సురక్షితంగా ఉంటుందని గ్యారెంటీ లేదు. ఎందుకంటే ఇటీవల, ఈ యాప్‌లో ఓ కస్టమర్ నారింజ పండ్లను ఆర్డర్ పెట్టాడు.. చూడడానికి ఆ నారింజలు ఫ్రెష్ గా లేవు.. అయినా సరేలే అని అడ్జస్ట్ అవుతూ తిందామని ఆరెంజ్ ని వలిచి చూస్తే అందులో పురుగు పాకుతూ కనిపించింది. అంతే ఒక్కసారిగా అదిరి పోయిన అతగాడు వీడియో తీసి సోషల్ మీడియాలో పోస్ట్ చేశాడు.

వీడియోను సోషల్ మీడియా ప్లాట్‌ఫారమ్ Xలో పంచుకుంటూ, జనార్దన్ చిల్ముల ఇలా వ్రాశాడు, "నేను Zepto Now నుండి నారింజను ఆర్డర్ చేసాను. నేను అందుకున్న నారింజలలో ఒకదానిలో పురుగు పాకుతూ ఉండడాన్ని కనుగొన్నాను." దాన్ని వీడియో తీసి పోస్ట్ చేయడంతో Zepto నుండి నాకు కాల్ వచ్చింది. అతను ఈ సమస్యకు క్షమాపణలు చెప్పాడు, భవిష్యత్తులో ఇటువంటి సంఘటనలు పునరావృతం కాకుండా చూస్తామని నాకు హామీ ఇచ్చాడు. స్టోర్ భద్రతపై దర్యాప్తు చేస్తామని కూడా అతను పేర్కొన్నాడు. నా డబ్బులు నాకు తిరిగి వాపసు చేశారు.

"ఇటువంటి సమస్యలను పరిష్కరించడానికి నేను ఫుడ్ సేఫ్టీ & స్టాండర్డ్స్ అథారిటీ ఆఫ్ ఇండియాని అభ్యర్థిస్తున్నాను. నేను గమనించి ఉండకపోతే, నేను వాటిని తినేవాడిని. Zepto నుండి ప్రతిస్పందన వేగంగా వచ్చినందుకు నేను అభినందిస్తున్నాను" అని అతను మరొక పోస్ట్‌లో పేర్కొన్నాడు.

వీడియోను చూసిన నెటిజన్లు కామెంట్లు పెడుతున్నారు.. ఒక వినియోగదారు "నాన్ వెజ్" అని రాస్తే మరొకరు "ఇది ఉచితం" అని రాశారు.

I ordered oranges from @ZeptoNow and found a live warm in one of the oranges I received. @zeptocares @NDTVFood @IndianExpress @IndiaToday @foodpharmer2 @MOFPI_GOI @sardesairajdeep @DrSarvapriya pic.twitter.com/M5nUKeByHh

— Janardhan Chilmula (@JanardhanChill) February 15, 2024 " target="_blank">