అమేథీ నుంచి ఓడిపోయిన తర్వాత స్మృతి ఇరానీ..

గాంధీ కుటుంబ విధేయుడైన కేఎల్ శర్మ అమేథీలో జరిగిన పోరులో శ్రీమతి ఇరానీపై 1.6 లక్షల ఓట్లతో ముందంజలో ఉన్నారు.  ఐదేళ్ల క్రితం తన కుటుంబ కంచుకోటలో కాంగ్రెస్‌కు చెందిన రాహుల్ గాంధీని ఓడించిన కేంద్ర మంత్రి స్మృతి ఇరానీ, ఈసారి ఎన్నికల్లో ఓటమి చవిచూశారు. కీలక ప్రతిష్టాత్మక పోరులో చాలా మంది ఘోర పరాజయం పొందారు. అలాగే రాయ్‌బరేలీలో రికార్డు విజయాన్ని సాధించింది కాంగ్రెస్.

ప్రజలు ఇచ్చిన తీర్పు అనంతరం శ్రీమతి ఇరానీ తనకు అండగా నిలిచిన వారికి కృతజ్ఞతలు తెలిపారు. "జీవితం అలాంటిది... నా జీవితంలో ఒక దశాబ్దం ఒక గ్రామం నుండి మరొక పల్లెకు వెళ్లడం, జీవితాలను నిర్మించడం, ఆశలు & ఆకాంక్షలను పెంపొందించడం, మౌలిక సదుపాయాలపై పని చేయడం - రోడ్లు, మెడికల్ కాలేజీ మరియు మరెన్నో చేసే అవకాశం నాకు కల్పించారు. నాకు అండగా నిలిచిన వారికి కృతజ్ఞతలు అని ఆమె స్ లో పోస్ట్ చేశారు.  ఏప్రిల్‌లో ఎన్నికల ప్రచార సభలో స్మృతి మాట్లాడుతూ..  అమేథీ నుండి రాహుల్ గాంధీ లేదా అతని సోదరి ప్రియాంక గాంధీ వాద్రాను కూడా ఎదుర్కోగలను అని ధీమా వ్యక్తం చేశారు. "ఎవరు వచ్చినా తప్పకుండా ఓడిపోతారు" అని అన్నారు. 

అయితే ఈసారి వారిద్దరూ ఆమెకు ప్రత్యర్థి కాదు. గాంధీ కుటుంబానికి విధేయుడైన KL శర్మ మొదటిసారి పోటీదారుగా నిలబడ్డారు. అయినా అతను అమేథీలో జరిగిన పోరులో శ్రీమతి ఇరానీపై 1.6 లక్షలకు పైగా ఓట్లతో గెలిచాడు - 2019లో జరిగిన ఎన్నికల్లో రాహుల్ గాంధీపై ఆమె మూడు రెట్లు ఆధిక్యంతో గెలుపొందారు. 

శ్రీ శర్మకు రెండు నియోజకవర్గాల గురించి లోతైన అవగాహన ఉంది -- శ్రీమతి ఇరానీ కంటే చాలా ఎక్కువ రాజకీయ అనుభవం ఉంది. దశాబ్దాలుగా ఉత్తరప్రదేశ్‌లోని రెండు బస్తీల్లో గాంధీ కుటుంబానికి ప్రతినిధిగా, శ్రీ శర్మకు పార్టీ కార్యకర్తలు మరియు ప్రజలతో మంచి అనుబంధం ఉంది.

పార్టీ ఎంపికకు తన ఆమోదాన్ని తెలియజేస్తూ, ప్రియాంక గాంధీ వాద్రా, శ్రీ శర్మ కోసం అమేథీలో ప్రచారం చేస్తూ, "అతనికి (శర్మ) గత 40 సంవత్సరాలుగా అమేథీతో అనుబంధం ఉంది. అతను ఇక్కడ మా నాన్న (రాజీవ్ గాంధీ)తో అనుబంధం కలిగి ఉన్నాడు. అతను నా తల్లి (సోనియా గాంధీ) మరియు నా అన్నయ్య రాహుల్ గాంధీతో కలిసి పనిచేశారు అని చెప్పింది. 

మూడు పర్యాయాలు అమేథీకి ప్రాతినిధ్యం వహించి రాహుల్ గాంధీ శ్రీమతి ఇరానీ చేతిలో ఓడిపోవడం ఊహించని పరిణామం. అందుకే ఈసారి కాంగ్రెస్ హైకమాండ్ ఆచితూచి వ్యవహరించింది శర్మను అభ్యర్ధిగా బరిలోకి దించింది ఇరానీకి పోటీగా. ఐదేళ్ల క్రితం అందించిన విజయంతో హుషారుగా ఉన్న  బీజేపీ ఆనందానికి చెక్ పెట్టింది కాంగ్రెస్‌. ఈ నియోజకవర్గం ఒకప్పుడు సంజయ్ గాంధీ, తరువాత రాజీవ్ మరియు సోనియా గాంధీలచే నిర్వహించబడింది.

ఈ ఎన్నికల్లో 80 మంది శాసనసభ్యులను పార్లమెంటుకు పంపిన రాష్ట్రంగా ఉత్తర ప్రదేశ్ నిలుస్తోంది. ఇది కాంగ్రెస్ కు అత్యంత ఉత్సాహాన్ని ఇచ్చే అంశం.