పాకిస్తాన్ అమ్మాయిని వివాహం చేసుకున్న కానిస్టేబుల్ మునీర్ అహ్మద్ పై CRPF చర్య..

సెంట్రల్ రిజర్వ్ పోలీస్ ఫోర్స్ (CRPF) వీరిపై శాఖాపరమైన చర్యలు తీసుకోవడానికి సిద్ధంగా ఉంది. పాకిస్తాన్ జాతీయురాలిని వివాహం చేసుకున్న కానిస్టేబుల్ మునీర్ అహ్మద్ ప్రస్తుతం 41వ బెటాలియన్‌లో పనిచేస్తున్న కానిస్టేబుల్. మెనాల్ ఖాన్ అనే పాకిస్తానీ మహిళను వివాహం చేసుకోవడానికి అనుమతి కోసం గతంలో అభ్యర్థనను సమర్పించానని తెలిపారు. అయితే, డిపార్ట్‌మెంట్ ఆమోదం మంజూరు చేయడానికి ముందే మే 24, 2024న వాట్సాప్ వీడియో కాల్ ద్వారా వివాహం చేసుకున్నారు. ఈ అనధికార చర్య క్రమశిక్షణా ప్రక్రియను ఉల్లంఘించనట్లైంది.

"పాకిస్తానీ అమ్మాయితో వివాహం మరియు జాతీయ భద్రతకు సంబంధించిన కేసు కాబట్టి, ఈ ప్రతిపాదనను J&K జోన్‌లోని ప్రధాన కార్యాలయానికి తిరిగి సమర్పించారు. నివేదిక ప్రకారం, కానిస్టేబుల్ ప్రవర్తనలో అనేక లోపాలు గమనించబడ్డాయి, వాటిలో అతని భార్య వీసా గడువు పూర్తయినా భారతదేశంలోనే కొనసాగుతున్నట్లు తెలుస్తోంది. 

కానిస్టేబుల్ మునీర్ అహ్మద్ వివిధ పరిణామాల గురించి విభాగానికి తెలియజేయలేదు. "పాకిస్తానీ అమ్మాయితో అనుమతి మంజూరు చేసే కేసు డిపార్ట్‌మెంట్ వద్ద అంటే CRPF వద్ద పెండింగ్‌లో ఉంది, కానీ డిపార్ట్‌మెంట్ నిర్ణయం/అనుమతి కోసం వేచి ఉండకుండా మునీర్ అహ్మద్ మేనల్ ఖాన్‌ను వివాహం చేసుకున్నాడు"

"మునీర్ అహ్మద్ భార్య మేనల్ ఖాన్ భారతదేశంలోని వాఘా సరిహద్దు నుండి దేశంలోకి ప్రవేశించారు.

"22/03/2025 వరకు చెల్లుబాటు అయ్యే టూరిస్ట్ వీసాపై పాకిస్తానీ పాస్‌పోర్ట్ ద్వారా, కానీ వీసా గడువు ముగిసిన తర్వాత కూడా తన భార్య భారతదేశంలో నివసిస్తున్నట్లు ఆ వ్యక్తి శాఖకు తెలియజేయలేదు. అంతేకాకుండా, తన భార్య దీర్ఘకాలిక వీసా కోసం దరఖాస్తు చేసుకున్నట్లు అతను పేర్కొన్నాడు, కానీ ఈ విషయాన్ని అతడు డిపార్ట్ మెంట్ కు  తెలియజేయలేదు" అని నివేదిక పేర్కొంది.

తన వివాహం గురించి CRPF కి తెలియజేసినట్లు కానిస్టేబుల్ కోర్టులో పేర్కొన్నాడని, కానీ అలాంటి అనుమతి మంజూరు చేయలేదని నివేదిక పేర్కొంది. ఇటీవలి పహల్గామ్ ఉగ్రవాద దాడి తరువాత పాకిస్తాన్ జాతీయులందరినీ బహిష్కరించాలని భారత ప్రభుత్వం ఆదేశించిన నేపథ్యంలో, ఖాన్‌ను వాఘా సరిహద్దుకు బహిష్కరణ కోసం తరలించారు.

అయితే, తదుపరి విచారణ పెండింగ్‌లో ఉన్న జమ్మూ కాశ్మీర్ హైకోర్టు 2025 ఏప్రిల్ 29న ఆమెకు 10 రోజుల స్టే మంజూరు చేసింది. CCS (ప్రవర్తన) నియమాలు, 1964లోని నియమం 21(3) ప్రకారం కానిస్టేబుల్ ప్రవర్తనా నియమాలను ఉల్లంఘించాడని CRPF నిర్ధారించింది. ఇప్పుడు శాఖాపరమైన క్రమశిక్షణా చర్యను పరిశీలిస్తోంది.