మద్యం మత్తులో అంబులెన్స్ డ్రైవర్.. పాదచారులపైకి దూసుకెళ్లి

మధ్యప్రదేశ్‌లోని ఇండోర్ నగరంలో గురువారం ఉదయం అంబులెన్స్ డ్రైవర్ మద్యం మత్తులో వాహనాన్ని నడిపాడు. దీంతో వాహనం పాదచారులపైకి దూసుకెళ్లడంతో మహిళతో సహా ఆరుగురు పాదచారులు గాయపడినట్లు పోలీసులు తెలిపారు.

డ్రైవర్‌ను వసీం షేక్ (30)గా గుర్తించినట్లు సెంట్రల్ కొత్వాలి పోలీస్ స్టేషన్ అధికారి తెలిపారు. అంబులెన్స్‌ ఢీకొట్టడంతో ఆరుగురు వ్యక్తులు గాయపడ్డారు. "ప్రమాదం తరువాత, ప్రజలు అంబులెన్స్ డ్రైవర్‌ను పట్టుకున్నారు. అతడు తాగి ఉన్నాడని గుర్తించారు. అతడిని చితకబాది పోలీసులకు అప్పగించారు.

బాధితుల్లో ఒక మహిళ పరిస్థితి విషమంగా ఉందని, మరో ఇద్దరికి గాయాలు తీవ్రంగా ఉన్నాయని పోలీసులు తెలిపారు. నిందితుడిని వసీం షేక్‌ నెలరోజుల క్రితమే డ్రైవింగ్ లైసెన్స్ పొందాడు.

నగరంలోని సెంట్రల్ కొత్వాలి, తుకోగంజ్ ప్రాంతాల్లో వాహనం పాదచారులను ఢీకొట్టిందని పోలీసులు తెలిపారు. అంబులెన్స్ డ్రైవర్‌ను వైద్య పరీక్షల కోసం ఆసుపత్రికి తరలించినట్లు ఆయన తెలిపారు. ఇటీవల సంబంధం లేని సంఘటనలో ఇద్దరు వ్యక్తులు మరణించారు. ముంబై-పూణె ఎక్స్‌ప్రెస్‌వేపై ట్రక్కు-కార్ ఢీకొనడంతో 26, 24 సంవత్సరాలున్న ఇద్దరు యువకులు అన్యాయంగా ప్రాణాలు కోల్పోయారు.