కూతురి కులాంతర వివాహం నచ్చని తండ్రి.. ఆమె కళ్లముందే అల్లుడిని హత్య..

బీహార్‌లోని దర్భాంగాలోని ప్రభుత్వ ఆసుపత్రిలో 25 ఏళ్ల నర్సింగ్ విద్యార్థిని అతని మామ కాల్చి చంపాడు.

దర్భాంగా మెడికల్ కాలేజ్ అండ్ హాస్పిటల్‌లో బిఎస్సీ (నర్సింగ్) రెండో సంవత్సరం చదువుతున్న రాహుల్ కుమార్‌ ఫస్ట్ ఇయర్ నర్సింగ్ చేస్తున్న తన్ను ప్రియను వివాహం చేసుకున్నాడు. రాహుల్‌ని తన్ను కులాంతర వివాహం చేసుకోవడం ఆమె కుటుంబసభ్యులకు అస్సలు ఇష్టం లేదు. 

రాహుల్, తన్ను నాలుగు నెలల క్రితం వివాహం చేసుకున్నారు. ఒకే హాస్టల్ భవనంలో వేర్వేరు అంతస్తులలో నివసిస్తున్నారు. నిన్న సాయంత్రం హూడీ ధరించిన ఒక వ్యక్తి రాహుల్ వద్దకు రావడాన్ని తాను చూశానని, ఆ తర్వాత అది తన తండ్రి అని గ్రహించానని తన్ను చెప్పింది. "ఆయన దగ్గర తుపాకీ ఉంది. అతడు నా తండ్రి ప్రేమ్‌శంకర్ ఝా.

అతను నా కళ్ళ ముందే నా భర్త ఛాతీపై కాల్చాడు. నా భర్త నా ఒడిలో పడిపోయాడు" అని ఆమె చెప్పింది. "మేము కోర్టుకు కూడా వెళ్ళాము. నా తండ్రి ,నా సోదరులు నాకు లేదా నా భర్తకు హాని కలిగించవచ్చని చెప్పాము" అని ఆమె చెప్పింది.

కాల్పుల తర్వాత, రాహుల్ స్నేహితులు మరియు ఇతర హాస్టల్ బోర్డింగ్ సిబ్బంది ఝాను కొట్టారు. దర్భాంగా జిల్లా మేజిస్ట్రేట్ కౌశల్ కుమార్ మరియు సీనియర్ సూపరింటెండెంట్ ఆఫ్ పోలీస్ జగన్నాథ్ రెడ్డి పరిస్థితిని సమీక్షించడానికి ఆసుపత్రికి చేరుకున్నారు. 

ఝాకు చికిత్స చేయడానికి విద్యార్థులు ఆరోగ్య సంరక్షణ సిబ్బందిని అనుమతించకపోవడంతో ఆసుపత్రిలో గొడవ జరిగింది. ప్రస్తుతం అతన్ని పాట్నా  ఆసుపత్రికి రిఫర్ చేస్తున్నారు. మేము కేసు నమోదు చేసి అవసరమైన చర్యలు తీసుకుంటాము" అని ఆయన అన్నారు.