సీపీఐ సీనియర్ నేత మృతి

కేరళకు చెందిన సీపీఐ సీనియర్‌ నేత, మాజీ ఎమ్మెల్యే ఆర్‌ రామచంద్రన్‌ మంగళవారం అనారోగ్యంతో ఓ ప్రైవేట్‌ ఆస్పత్రిలో చికిత్స పొందుతూ మృతి చెందినట్లు పార్టీ వర్గాలు తెలిపాయి. ఆయన వయసు 75. ఆయనకు భార్య, కుమార్తె ఉన్నారు.

కొంతకాలంగా కాలేయ సంబంధిత వ్యాధితో బాధపడుతున్న ఆయన పరిస్థితి సోమవారం విషమించడంతో తుదిశ్వాస విడిచినట్లు వారు తెలిపారు. దక్షిణ కొల్లాం జిల్లాలో అధికార ఎల్‌డిఎఫ్‌లో రెండవ అతిపెద్ద సంకీర్ణ భాగస్వామి అయిన సిపిఐకి చెందిన ప్రముఖ నాయకుడు, రామచంద్రన్ 2016-2021 కాలంలో రాష్ట్ర అసెంబ్లీలో కరునాగపల్లి నియోజకవర్గానికి ప్రాతినిధ్యం వహించారు.

గత అసెంబ్లీ ఎన్నికల్లో పోటీ చేసి విఫలమైనప్పటికీ పార్టీ సంస్థాగత కార్యక్రమాల్లో చురుగ్గా పాల్గొనేవారు. రామచంద్రన్ సీపీఐ రాష్ట్ర కౌన్సిల్ సభ్యుడిగా కూడా పనిచేశారు.

అంతకుముందు రాష్ట్ర ఆధీనంలో ఉన్న సిడ్కోకు చైర్మన్‌గా, జిల్లా పంచాయతీ రాజ్ లో వైస్ ప్రెసిడెంట్‌గా కూడా పనిచేశారు. రామచంద్రన్‌ మృతి పట్ల సీపీఎం సీనియర్‌ నేత, రాష్ట్ర ఆర్థిక మంత్రి కేఎన్‌ బాలగోపాల్‌ సంతాపం తెలిపారు.