రాహుల్ గాంధీకి పుట్టినరోజు శుభాకాంక్షలు తెలిపిన ప్రధాని మోదీ..

రాహుల్ గాంధీ జూన్ 19, 1970న ఢిల్లీలోని హోలీ ఫ్యామిలీ హాస్పిటల్‌లో జన్మించాడు. మాజీ ప్రధాని రాజీవ్ గాంధీ, కాంగ్రెస్ రాజ్యసభ ఎంపీ సోనియా గాంధీ దంపతుల పెద్ద కుమారుడు రాహుల్.

"లోక్‌సభ ప్రతిపక్ష నాయకుడు అయిన రాహుల్ గాంధీకి పుట్టినరోజు శుభాకాంక్షలు తెలిపారు ప్రధాని మోదీ. ఆయనకు దీర్ఘాయుష్షుని మరియు ఆరోగ్యకరమైన జీవితాన్ని ప్రసాదించాలని కోరుకుంటున్నట్లు" అని ప్రధాని మోదీ X ద్వారా తన సందేశాన్ని అందజేశారు.

రక్షణ మంత్రి రాజ్‌నాథ్ సింగ్, రోడ్డు రవాణా, రహదారుల మంత్రి నితిన్ గడ్కరీ సహా పలువురు కేంద్ర మంత్రులు కూడా సోషల్ మీడియాలో శుభాకాంక్షలు తెలిపారు

"లోక్‌సభలో ప్రతిపక్ష నాయకుడు మరియు ఉత్తరప్రదేశ్‌లోని రాయ్‌బరేలీ నుండి లోక్‌సభ ఎంపీ అయిన శ్రీ రాహుల్ గాంధీ జీకి నా హృదయపూర్వక పుట్టినరోజు శుభాకాంక్షలు తెలియజేస్తున్నాను. రాబోయే సంవత్సరం అతడికి ఆరోగ్యం మరియు శ్రేయస్సుతో నిండి ఉండాలి" అని నితిన్ గడ్కరీ X ద్వారా ట్వీట్ చేశారు.

రాహుల్ గాంధీ రాజకీయ వంశపారంపర్యం భారతదేశ తొలి ప్రధాన మంత్రి జవహర్‌లాల్ నెహ్రూ కాలం నాటిది. ఆయన మాజీ ప్రధాన మంత్రి ఇందిరా గాంధీ మనవడు ,భారతదేశ ఆరవ ప్రధాన మంత్రి అయిన రాజీవ్ గాంధీ కుమారుడు. ఆయన తాత ఫిరోజ్ గాంధీ గుజరాత్‌ పార్సీ సమాజానికి చెందినవారు.

రాహుల్ పుట్టిన రోజు సందర్భాన్ని పురస్కరించుకుని, ఇండియన్ యూత్ కాంగ్రెస్ (IYC) న్యూఢిల్లీలోని తల్కటోరా స్టేడియంలో పెద్ద ఎత్తున ఉద్యోగ మేళాను నిర్వహిస్తోంది. ఈ కార్యక్రమంలో 100 కి పైగా కంపెనీలు, బహుళజాతి సంస్థలు పాల్గొంటాయని, వివిధ రంగాలలో 5,000 కి పైగా ఉద్యోగ అవకాశాలను అందిస్తాయని భావిస్తున్నారు.

యువ ఉద్యోగార్థులు యజమానులతో నేరుగా కనెక్ట్ అవ్వడానికి మరియు ఉపాధిని పొందడంలో సహాయపడటం ఈ చొరవ లక్ష్యమని IYC పేర్కొంది.