తల్లి చంతకు చేరిన చిన్నారి

అఫ్జల్‌గంజ్‌లో కిడ్నాపైన రెండు నెలల చిన్నారి సేఫ్‌గా తల్లి ఒడికి చేరింది. కిడ్నాపైన గంటల వ్యవధిలోనే పోలీసులు.. నిందితులను పట్టుకున్నారు. పసిపాపను తల్లి దగ్గరకు చేర్చారు. ఉస్మానియా ఆస్పత్రి ఆవరణలో రెండు నెలల చిన్నారితో కలిసి ఓ మహిళ నిద్రించింది. తెల్లవారు జామున గుర్తు తెలియని మహిళ, యువకుడు చిన్నారిని ఎత్తుకెళ్లారు. నిద్రలేచి చూసే సరికి బిడ్డ కనిపించక పోవడంతో పోలీసులకు ఫిర్యాదు చేశారు. రంగంలోకి దిగిన పోలీసులు సీసీటీవీ ఆధారంగా నిందితులను ఉప్పుగూడలో పట్టుకున్నారు. చిన్నారిని తల్లిదండ్రులకు అప్పగించారు.