Sharukh Khan Accident: షూటింగ్ లో ప్రమాదానికి గురైన బాద్షా, స్వల్ప గాయాలు
సర్జరీ అనంతరం ముంబైకి తిరిగి వచ్చిన బాద్షా
బాలీవుడ్ హీరో షారుఖ్ ఖాన్ ప్రమాదానికి గురయ్యాడు. లాస్ ఏంజెలెస్ లోని జరుగుతోన్న షూటింగ్ లో బాద్షా ప్రమాదవశాత్తూ గాయపడినట్లు తెలుస్తోంది. గాయాలపాలైన షారుఖ్ ను చిత్ర బృందం హుటాహుటిన ఆసుపత్రికి తరలించగా, ముక్కుకు సర్జరీ నిర్వహించాల్సి వచ్చింది. చిన్నపాటి సర్జినే కావడంతో బాద్షా ఇండియాకు తిరిగి వచ్చేశాడు. ప్రస్తుతం ఇంట్లో రెస్ట్ తీసుకుంటున్నాడు. ఎయిర్ పోర్ట్ దగ్గర షారుఖ్ ముక్కుకు బ్యాండ్ ఎయిడ్ వేసుకుని కనిపించడంతో ఈ విషయం బయటకు వచ్చింది బాద్షా త్వరగా కోలుకోవాలని అభిమానులు కోరుకుంటున్నారు.