ఆస్ట్రేలియాతో జరిగే ఐదో టెస్టులో 3 వికెట్లు తీస్తే బుమ్రా ఖాతాలో మరో రికార్డు చేరుతుంది. బోర్టు గవాస్కర్ ట్రోఫీ చరిత్రలో సింగిల్ ఎడిషన్‌లో అత్యధిక వికెట్లు పడగొట్టిన బౌలర్‌గా ఆయన నిలుస్తారు. ప్రస్తుతం ఈ రికార్డు హర్భజన్ (32 వికెట్లు, 2000-01 సిరీస్) పేరిట ఉంది. ప్రస్తుత సిరీస్‌లో బుమ్రా ఇప్పటివరకు 30 వికెట్లు తీశారు. ఆయన ఇంత గొప్పగా రాణిస్తున్నా ఇతర బౌలర్లు, టాపార్డర్ బ్యాటర్ల నుంచి మంచి ప్రదర్శన రాకపోవడం జట్టును కలవరపెడుతోంది.
సిడ్నీ టెస్టులో బుమ్రా గనుక 6 వికెట్లు తీస్తే దాదాపు 52 సంవత్సరాల రికార్డు బద్దలు కానుంది. టెస్ట్ ఫార్మాట్‌లో ఆల్-టైమ్ రికార్డ్‌ను సృష్టించే థ్రెషోల్డ్ వద్ద నిలిచాడు.
ఒక టెస్టు సిరీస్‌లో అత్యధిక వికెట్ల తీసిన భారత బౌలర్లు
1. బీఎస్ చంద్రశేఖర్ - 35 (ఇంగ్లాండ్‌పై)
2. వినూ మన్కడ్ - 34 (ఇంగ్లాండ్‌పై)
3. శుభాష్‌చంద్ర గుప్తా - 34 (న్యూజిలాండ్‌పై)
4. రవిచంద్రన్ అశ్విన్ - 32 (ఇంగ్లాండ్‌పై)
5. హర్భజన్ సింగ్ - 32 (ఆస్ట్రేలియా)
6 .కపిల్ దేవ్ - 32 (పాకిస్థాన్)
7. రవిచంద్రన్ అశ్విన్ - 31 (దక్షిణాఫ్రికా)
8. బిషన్ సింగ్ బేడీ - 31 (ఆస్ట్రేలియా)
9. స్ప్రీత్ బుమ్రా - 30 (ఆస్ట్రేలియాపై ప్రస్తుతానికి)