ఐపీఎల్-2025లో ఢిల్లీ క్యాపిటల్స్ కెప్టెన్‌గా అక్షర్ పటేల్ వ్యవహరించనున్నట్లు తెలుస్తోంది. రాహుల్, డుప్లెసిస్ వంటి ప్లేయర్లున్నా టీమ్ మేనేజ్‌మెంట్ అక్షర్ వైపే మొగ్గు చూపుతున్నట్లు జాతీయ మీడియా పేర్కొంది. 2019 నుంచి ఢిల్లీ క్యాపిటల్స్ కి ఆడుతున్న అక్షర్, గత సీజన్‌లో ఆ టీమ్‌కు వైస్ కెప్టెన్‌గా ఉన్నారు. ఒక మ్యాచులో కెప్టెన్సీ కూడా చేశారు. ఇంగ్లండ్‌తో జరిగే టీ20 సిరీస్‌లో భారత జట్టుకు వైస్ కెప్టెన్‌గా ఉండనున్నారు.
వేలం సమయంలో ₹14 కోట్లకు కేఎల్ రాహుల్‌ను కొనుగోలు చేసినప్పటికీ, పటేల్‌కు కెప్టెన్సీ అప్పగించడం అంతర్గత నాయకత్వంపై మేనేజ్‌మెంట్ నమ్మకాన్ని చాటిచెప్పింది. పటేల్ భారత టీ20 జట్టుకు వైస్ కెప్టెన్‌గా నియమితుడయ్యాడు, ఇది అతని నాయకత్వ నైపుణ్యాలను మరింత మెరుగు చేస్తుంది. అతను ఒత్తిడిలో బలమైన నిర్ణయాలు తీసుకోగలడని బోర్డు విశ్వసిస్తోంది. ఇదిలా ఉంటే, గత సీజన్‌లో ఢిల్లీ కెప్టెన్‌గా వ్యవహరించిన రిషబ్‌ పంత్‌ను మెగా వేలంలో లక్నో సూపర్‌ జెయింట్స్‌ సొంతం చేసుకున్న విషయం తెలిసిందే.