దుబాయ్‌లో నిర్వహించిన వరల్డ్‌ పోలీస్ సమ్మిట్‌-2025లో హైదరాబాద్ పోలీస్ కమిషనరేట్‌కు అరుదైన గౌరవం దక్కడంపై సీఎం రేవంత్ రెడ్డి హర్షం వ్యక్తం చేశారు. మాదక ద్రవ్యాల నియంత్రణలో 138 దేశాలతో పోటీ పడి తెలంగాణ పోలీసు ప్రపంచంలోనే నంబర్ వన్ స్థానాన్ని సాధించడం గర్వకారణంగా ఉందని వ్యాఖ్యానించారు. దుబాయ్‌లో ఎక్సలెన్స్ ఇన్ యాంటీ నార్కొటిక్స్’ కేటగిరీలో మొదటి బహుమతిని అందుకున్న సందర్భంగా హైదరాబాద్ సిటీ పోలీస్ కమిషనర్ సీవీ ఆనంద్.. ముఖ్యమంత్రిని మర్యాద పూర్వకంగా కలిశారు. మాదకద్రవ్యాల నియంత్రణలో 138 దేశాలతో పోటీ పడి ఈ రోజు తెలంగాణ పోలీస్ ప్రపంచంలో నెంబర్ వన్ స్థానాన్ని సాధించడం గర్వంగా ఉందని... ప్రతి పోలీస్‌కు తాను మద్దతుగా ఉంటానని సీఎం అన్నారు.