నిరీక్షణకు తెరపడింది. పవర్‌స్టార్ పవన్ కళ్యాణ్ అభిమానులు మరియు యావత్ సినీ ప్రపంచం ఉత్కంఠగా ఎదురుచూస్తున్న ‘దే కాల్ హిమ్ ఓజీ’ (OG) అధికారిక ట్రైలర్ వచ్చేసింది. యూట్యూబ్‌లో విడుదలైన క్షణం నుండి వ్యూస్ మరియు లైకుల వర్షంతో సోషల్ మీడియాను షేక్ చేస్తోంది. ఇది కేవలం ఒక ట్రైలర్ కాదు, సెప్టెంబర్ 27న థియేటర్లలో ఎలాంటి అగ్నిపర్వతం బద్దలు కాబోతోందో చూపించే ఒక చిన్న శాంపిల్ మాత్రమే.
యువ దర్శకుడు సుజీత్ తన మేకింగ్‌తో మ్యాజిక్ చేశాడని చెప్పడానికి ఈ ట్రైలరే నిదర్శనం. ప్రతి ఫ్రేమ్‌ను ఒక పెయింటింగ్‌లా చెక్కాడు. ముఖ్యంగా, పవన్ కళ్యాణ్‌లోని అసలైన ఫైర్‌ను, ఆయన కళ్ళలోని తీవ్రతను సుజీత్ అద్భుతంగా తెరపైకి తీసుకొచ్చాడు. ముంబై అండర్‌వరల్డ్‌ను జపాన్‌లోని యాకుజా (Yakuza) కల్చర్‌తో మిక్స్ చేసి, కథకు ఒక ఇంటర్నేషనల్ ఫీల్ ఇచ్చాడు. పవన్ కళ్యాణ్ చేతిలో కటానా పట్టుకుని నడుస్తుంటే, అది కేవలం ఒక స్టైల్ స్టేట్‌మెంట్ కాదు, తన పాత్ర యొక్క క్రూరత్వాన్ని, శక్తిని ప్రతిబింబిస్తుంది
సుజీత్ దర్శకత్వ ప్రతిభ, పవన్ కళ్యాణ్ పవర్-ప్యాక్డ్ పెర్ఫార్మెన్స్, మరియు వినూత్నమైన కథాంశం కలగలిపి ఈ సినిమా బాక్సాఫీస్ వద్ద కొత్త రికార్డులు సృష్టించడం ఖాయమనిపిస్తోంది. సెప్టెంబర్ 25న థియేటర్లలో ‘ఓజీ’ సృష్టించబోయే ప్రభంజనం కోసం ప్రేక్షకులు ఆసక్తిగా ఎదురుచూస్తున్నారు.