తల్లిప్రేమ.. బిడ్డను రక్షించుకోవాలనే తాపత్రయంతో పరుగులు..

తల్లి ప్రేమ మాటల్లో వర్ణించలేనిది. తమ పిల్లలను కాపాడుకొనే విషయంలో ప్రతి జీవి తన ప్రాణాలను సైతం అడ్డుపెడుతుంది. తాజాగా ఓ మూగజీవి గాయపడిన తన బిడ్డను కాపాడుకొవటానికి చేసిన ప్రయత్నం నెట్టింట్లో వైరల్‌గా మారింది.

రోడ్డుపై ఉన్న ఆవు దూడను ఓ వాహనం ఢీకొట్టింది. దీంతో ఆ ఆవు దూడ తీవ్రంగా గాయపడింది. స్థానికులు రిక్షాపై గాయపడిన దూడను స్థానిక హాస్పిటల్‌కి తరలిస్తుండగా.. తల్లి ఆవు ఆ రిక్షా వెనుకే పరుగు పెట్టింది.  తమ బిడ్డను రక్షించుకోవాలనే తాపత్రయంతో హాస్పిటల్‌ వరకూ అలా రిక్షా వెనుకే పరుగులు పెడుతూ వెళ్లింది. ఒడిశాలోని మాల్కాన్‌గిరిలో జరిగిన ఈ ఘటన సోషల్ మీడియాలో వైరల్ అవుతోంది.