Israel : గాజాపై యుద్ధట్యాంకర్లతో ఇజ్రాయెల్ భీకర దాడి.. 47 మంది దుర్మరణం

పశ్చిమాసియాలో యుద్ధ మంటలు చెలరేగుతున్నాయి. ఇజ్రాయెల్ ట్యాంకులు బుధవారం గాజా స్ట్రిప్ కు దక్షిణాన ఉన్న ఖాన్ యూనిస్ ప్రాంతం ఉత్తర భాగాల పైకి దూసుకెళ్లాయి. ఇజ్రాయెల్ వైమానిక దాడులు ఆ ప్రాంతం అంతటా కనీసం 47 మందిని చంపినట్లు పాలస్తీనా వైద్యులు తెలిపారు. ఇజ్రాయెల్ సైన్యం కొత్త తరలింపు ఉత్తర్వులు జారీ చేసిన ఒక రోజు తర్వాత ట్యాంకులు ముందుకు వచ్చి దాడులు చేశాయని స్థానికులు తెలిపారు. ఇజ్రాయెల్ దళాలు దక్షిణ గాజాలోని ఖాన్ యునిస్ ప్రాంతంలో నిరంతరం ముందుకు సాగుతున్నాయి. గాజాపై యుద్ధట్యాంకర్లతో ఇజ్రాయెల్ విరుచుకుపడింది. ఈ ఘటనలో 47 మంది మరణించారు.

ఇజ్రాయెల్ ట్యాంకులు బుధవారం గాజా స్ట్రిప్ కు దక్షిణాన ఉన్న ఖాన్ యునిస్ ప్రాంతం ఉత్తర భాగాలలోకి దూసుకెళ్లాయి. ఆ ప్రాంతం నుండి పాలస్తీనా తీవ్రవాదులు రాకెట్లను ప్రయోగించారని నివాసితులు తెలిపారు. నివాస ప్రాంతాలకు సమీపంలో శిథిలాల పెంకులు పడడంతో బాధితులు, స్థానికులు తమ ఇళ్లను వదిలి శిబిరాలకు తరలివెళ్లారు. ఇజ్రాయెల్ బలగాలు వారికి సెక్యూరిటీ కల్పిస్తున్నాయి.