Viveka Murder Case : సునీత పిటిషన్‌పై సుప్రీం కోర్టు విచారణ.. అవినాష్‌ రెడ్డికి షాక్

వివేకా కుమార్తె సునీత పిటిషన్‌పై విచారణ జరిపిన సుప్రీం కోర్టు.. వైసీపీ ఎంపీ అవినాష్‌ రెడ్డికి షాక్ ఇచ్చింది. అవినాష్ రెడ్డి ముందస్తు బెయిల్‌పై సుప్రీం కోర్టు స్టే ఇచ్చింది. తెలంగాణ హైకోర్టు మధ్యంతర ఉత్తర్వులను తప్పుపట్టింది. ఆ తీర్పు ఆమోదయోగ్యం కాదన్న సుప్రీం.. హైకోర్టు ఇచ్చిన ఉత్తర్వులోని 18వ పేరాలో ఉన్న ఆదేశాలపై స్టే ఇచ్చింది. సోమవారం ఉదయం తొమ్మిదన్నరకు మరోసారి విచారణ చేపడతామని.. ఆ రోజే అన్ని విషయాలు పరిశీలిస్తామని సుప్రీం కోర్టు తెలిపింది. సోమవారం వరకు అవినాష్ రెడ్డిని అరెస్ట్ చేయొద్దన్న సుప్రీం కోర్టు.. అవినాశ్ రెడ్డికి నోటీసులు జారీ చేసింది.