Ambati Rambabu : అడ్డంగా బుక్కైన అంబటి రాంబాబు..

ఈమధ్య వైసిపి నేతలు ఏం మాట్లాడుతున్నారో ఎందుకు మాట్లాడుతున్నారో కూడా వాళ్లకే సరిగా క్లారిటీ ఉండట్లేదు. కూటమి ప్రభుత్వం చేస్తున్న మంచి పనుల మీద ఏదో ఒక బురదజల్లేద్దాం అనుకొని ప్రెస్ మీట్ పెట్టేసి స్క్రిప్టు సరిగ్గా ఫాలో కాకుండా అడ్డంగా బుక్ అయిపోతున్నారు. ఇదేవిధంగా తాజాగా మాజీ మంత్రి అంబటి రాంబాబు కూడా ఏదో ఆరోపించాలి అనుకుని అడ్డంగా దొరికిపోయారు. ప్రెస్ మిత్రుల ముందు పరువు పోగొట్టుకున్నారు. మనకు తెలిసిందే కదా ఈనెల 26న ఏపీ ప్రభుత్వ ఆధ్వర్యంలో మాక్ అసెంబ్లీ నిర్వహించారు. రాష్ట్రవ్యాప్తంగా ఉన్న వివిధ ప్రభుత్వ పాఠశాలలు, జూనియర్ కాలేజీల విద్యార్థులతో ఈ మాక్ అసెంబ్లీ నిర్వహించారు.

ఇది చాలా అద్భుతమైన కార్యక్రమం. చిన్నపిల్లలతో నిర్వహించిన ఈ కార్యక్రమం మీద కూడా బురద జల్లాలి అనుకునే దిక్కుమాలిన ఆలోచనతో అంబటి రాంబాబు ప్రెస్ మీట్ పెట్టారు. ముందే రాసుకొచ్చిన స్క్రిప్ట్ చదువుతూ నిజమైన అసెంబ్లీలోకి విద్యార్థులను ఎలా అనుమతిస్తారు, స్పీకర్ చైర్ లో విద్యార్థిని ఎలా కూర్చోబెడతారు అంటూ పెద్ద డైలాగ్ విసిరారు. కానీ అక్కడే ఉన్న రిపోర్టర్లు అది నిజమైన అసెంబ్లీ కాదని సెట్ వేశారు అని చెప్పటంతో నాలుక కరుచుకున్నారు. సరే దాని గురించి వదిలేస్తున్నా అంటూ ఏదో బిల్డప్ ఇచ్చేశారు. అది నిజమైన అసెంబ్లీనా కాదా అనేది ఆ మాత్రం తెలుసుకోకుండానే ప్రెస్ మీట్ పెట్టారు అంటే ఆయన విజ్ఞత ఏ స్థాయిలో ఉందో అర్థం చేసుకోవచ్చు. కనీసం స్క్రిప్టు రాసిచ్చిన వారు కూడా తెలుసుకోకుండానే కూటమి ప్రభుత్వం మీద బురద చల్లడమే టార్గెట్ అన్నట్టు రాయటం ఏంటో మరి. అంటే దొరికితే ఓకే దొరకకపోతే ఏదైనా అబద్ధం ఆడేయొచ్చు అనే కదా.

గతంలో వైసీపీ ప్రభుత్వంలో మనం ఇలాంటి అవగాహన కార్యక్రమాలు ఎప్పుడైనా చూసామా. కానీ నేడు కూటమి ప్రభుత్వం విద్యార్థులకు కేవలం అత్యద్భుతమైన విద్యా వ్యవస్థను అందించడమే కాకుండా ఆ వయసు నుంచే రాజకీయాలపై అవగాహన పెంచాలని చూస్తున్నారు. అసెంబ్లీలో ఎంత హుందాగా వ్యవహరించాలి, ప్రజా సమస్యలపై ఎలా మాట్లాడాలి అనేది ఇందులో చూపించారు. అంత గొప్ప కార్యక్రమం మీద కూడా అంబటి రాంబాబు ఏడుపు ఎంత దారుణం. ఇక్కడ నిజంగా మంత్రి లోకేష్ ను మెచ్చుకోవాల్సిందే. ఎందుకంటే ఏది నిజమైన అసెంబ్లీ ఏది సెట్ అనేది కూడా తెలుసుకోలేనంతగా ఏర్పాట్లు చేయించారు అంటే ఆయన విజన్ ఏ స్థాయిలో ఉందో చూడొచ్చు. వైసీపీ నేతలు పనిగట్టుకుని కూటమి ప్రభుత్వం మీద తప్పుడు ఆరోపణలు చేస్తున్నారు అనడానికి ఇదే అతి పెద్ద ఉదాహరణ.