AP Assembly Sessions : అసెంబ్లీ సమావేశాల షెడ్యూల్ విడుదల

ఆంధ్రప్రదేశ్ అసెంబ్లీ సమావేశాల షెడ్యూల్ విడుదలైంది. ఈనెల 24 నుంచి సమావేశాలు ప్రారంభం కానున్నాయి. 25వ తేదీన గవర్నర్ ప్రసంగానికి ధన్యవాద తీర్మానం ఉండగా, 28న అసెంబ్లీలో బడ్జెట్ ప్రవేశపెట్టనున్నారు. ఈనెల 27వ తేదీన ఏపీలో ఎమ్మెల్సీ ఎన్నికలు జరగనున్నాయి. ఆ మరుసటి రోజునే బడ్జెట్ను ప్రవేశపెట్టనున్నారు. ఏపీలో కూటమి ప్రభుత్వం ఏర్పడి దాదాపు 8 నెలలు దాటింది. గత ఏడాది జూన్లో కొత్త ప్రభుత్వం ఏర్పడింది. జూలైలో పూర్తి స్థాయి బడ్జెట్ ప్రవేశ పెట్టాల్సి ఉండగా రాష్ట్ర ఆర్థిక పరిస్థితి సరిగా లేకపోవడంతో కొంత సమయం తీసుకున్నారు. రెండుసార్లు ఓటాన్ అకౌంటు బడ్జెట్ను ప్రవేశపెట్టారు.